Turǵyndardyń jaýapkershiligin arttyrý maqsatynda kólikterindegi arnaıy belgini qosyp, tizile kóshelermen júrip ótken medısına qyzmetkerleri «Eger bizde qalǵyńyz kelmese, úıde otyryńyz» degen urandy ustanǵan.
Tótenshe jaǵdaı kezindegi talaptardan jaqsy habardar qala turǵyndary medısına qyzmetkerleriniń dabylyna túsinistikpen qaraýda.
"Bul eldiń amandyǵy úshin jasalynyp jatqan shara. Úıden shyqpaı, qaýipsizdikti qadaǵalasaq indetti aýyzdyqtaıtynymyz sózsiz. Sol sebepti búgin áriptesterimizben birge qala turǵyndaryna túsindirý sharasyn ótkizýdi jón kórdik", deıdi Túrkistan oblystyq jedel medısınalyq járdem stansasy bas dárigeriniń metodıkalyq uıymdastyrý isi boıynsha orynbasary Tahır Abdıev.
Oblys boıynsha 200-ge jýyq medısınalyq jedel járdem brıgadasy qyzmet kórsedi. Árbir shaqyrtýǵa der kezinde jetip, adam ómirine arasha túsý aq halatty abzal jandardyń boryshy. Keshki fleshmob arqyly medısına qyzmetkerleri qaýipti indetke shaldyqpaý árbir azamattyń tártipke baǵynýyna tikeleı baılanysty ekenin turǵyndardyń esine saldy.
Túrkistan oblysy
