Kaspi.kz basshysy Mıhaıl Lomtadze bul týraly: «Biz qazir Kaspi.kz -tiń eń zamanaýı sıfrly tehnologııalary is júzinde memleketke halyqty áleýmettik qoldaý baǵdarlamasyn qysqa merzimdi júzege asyrýǵa, al qazaqstandyqtarǵa járdemaqyny yńǵaıly ári eń bastysy, úıden shyqpastan qaýipsiz alýǵa kómekteskenin kórip otyrmyz. Qazirdiń ózinde 351 myń tutynýshymyz Kaspi Gold arqyly 42 500 teńge járdemaqy alyp úlgerdi» dep atap ótti.
Bank basshysynyń aıtýynsha, «Kaspi Gold kezekti ret Kaspi.kz usynǵan eń súıikti jáne tanymal karta mártebesin taǵy da rastady. Tek sońǵy 3 kúnde 200 myńǵa jýyq qazaqstandyq bizdiń qosymshamyz arqyly onlaın Kaspi Gold shotyn ashty».
9 sáýir, juma kúni Mıhaıl Lomtadze qazaqstandyqtar bólimshege kelmesten, úıde otyryp Kaspi.kz qosymshasynda Kaspi Gold shotyn ashýǵa múmindik beretin jańa, erekshe onlaın servıstiń iske qosylǵanyn habarlady. Shot nómirin 42 500 teńge járdemaqyny alý úshin paıdalana alady.
Qazaqstandyqtar Kaspi Gold shotyn ashqannan keıin Kaspi bankomattan aqsha sheship, kez kelgen Kaspi Gold-qa aqsha aýdaryp, 5 myńnan astam qyzmet aqysyn komıssııasyz tóleı alady, sondaı-aq Kaspi.kz-tegi dúkende zat satyp alýyna jáne bonýs ıelenýine bolady. Karantın men tótenshe jaǵdaı aıaqtalǵan soń Kaspi Gold plastıkalyq kartasyn Kaspi.kz-tiń kez kelgen bólimshesinde 1-aq mınýtta alyp, qaladaǵy dúkenderde karta arqyly zat satyp alýǵa bolady.
