Indetti juqtyrǵan naýqastarmen tikeleı qarym-qatynasta jumys istedik. Qorǵanysh quraldaryn tolyq paıdalanǵannyń nátıjesinde áriptesterimniń eshqaısysyna aýrý juqqan joq. 22 naýryzdan 5 sáýirge deıin demalmastan, táýlik boıy aýrýhanada qyzmet ettik. Bıyl 55 jastamyn. Úsh balam bar. 13 jastaǵy kenjemiz qazir ákesimen birge úıde. Bizge úıge qaıtýǵa bolmaıdy. Qazir demalys ortalyǵyndamyz. Bul jerde demalýymyzǵa barlyq jaǵdaı jasalǵan. Jumysqa baryp júrgen medısına qyzmetkerleri osynda ornalastyrylǵan.
Men medısına qyzmetkerleriniń qaýiptiligi asa joǵary 1-tobyna kiremin. Prezıdent bekitken qarajatty tolyq aldym. Biraq biz bastapqyda aqsha beriledi dep oılaǵan da, dámetken de joqpyz. Tek naýqastardy emdep, aýrýdyń órshimeýi úshin barymyzdy salyp eńbek etýdi ǵana oıladyq. О́ıtkeni bul – bizdiń mindetimiz. Eńbegimizdi baǵalap jatqan Memleket basshysyna sheksiz rızashylyǵymdy bildiremin. Bul bizge degen úlken qurmet, qamqorlyq. Mundaı qoldaýlar óz isimizge degen jaýapkershilikti de arttyratyny sózsiz.
Maıra NURǴALIEVA,
Aqtóbe oblystyq ınfeksııalyq aýrýhanasynyń ınfeksıonıst dárigeri
