Keshegi kúni COVID-19 ınfeksııasy Jetisaı aýdany, Yntymaq aýyldyq okrýginiń 1977 jyly týǵan turǵynynda rastaldy. Ol 4 sáýir kúni qaıtys bolǵan Jetisaı aýdanynyń azamatymen jaqyn baılanysta bolǵan. Al búgin Jetisaı aýdany, Sh.Dildabekov aýyldyq okrýginiń 1970 jyly týǵan turǵyny jáne Dostyq aýylynyń 1971 jylǵy turǵyny, osy aýdannyń Yntymaq aýyldyq okrýgi, О́rkendi aýylynyń 1994 jyly týǵan turǵynynda koronavırýs ınfeksııasy rastaldy. Atalǵan azamattardyń úsheýi de COVID-19 vırýsy anyqtalǵan naýqaspen jaqyn baılanysta bolǵan.
Indet juqtyrǵandar qazirgi ýaqytta oqshaýlanyp, tıisti em qabyldaýda. Olarmen baılanysta bolǵandardy anyqtap, oqshaýlaý jumystary júrgizilýde.
Jalpy oblys boıynsha Jetisaı aýdanynda – 18 adam tirkelgen, onyń ishinde 64 jastaǵy azamat 4 sáýir kúni qaıtys boldy. Sondaı-aq, Arys qalasynda - 14, Kentaýda - 5, Ordabasy - 2, Saıram - 2, Maqtaaral - 4, Saryaǵash – 1, Báıdibek aýdanynda 1 turǵyn indetke shaldyqqan.
Túrkistan oblysy
