«Mamandar demalyssyz kúsheıtilgen tártipte jumys istep jatyr. О́tinimderdi «Azamattarǵa arnalǵan úkimet» KEAQ-men jáne memlekettik áleýmettik saqtandyrý qorymen (MÁSQ) birlese qarastyryp jatyrmyz. Ýaqyttyń bir bóligi barlyq derekterdi tekserýge ketip jatyr. Qazirgi tańda jumys jasap jatqan turǵyndar da ótinim berýde, olardyń ishinde eńbekaqysy 500 myń teńgeni quraıtyndary da bar. Keı adam birneshe qaıtara ret ótinim berýde. Osynyń barlyǵy ótinimderdi tekserý ýaqytyna áser etedi. Mamandar ár ótinimdi muqııat tekseredi. Ýaqytty únemdeý jáne ótinimderdi óńdeý jyldamdyǵyn arttyrý úshin ótinimdi tek bir ret ǵana jiberý kerek», - dedi jumyspen qamtý jáne áleýmettik qorǵaý basqarmasynyń basshysy Sáýle Nurǵojına.
Tótenshe jaǵdaı kezinde qarjy kómegin buryn resmı jumys istegen adamdar ǵana emes, ózin-ózi jumyspen qamtyǵandar, bir jyldan astam ýaqyt ishinde dekrettik demalysta bolǵan áıelder, stýdentter de ala alady. О́tinishti «Elektrondyq úkimet» veb-portaly, telegrambot egov.kz nemese 42500.enbek.kz saıty arqyly elektrondyq formatta berýge bolady. Qosymsha aqparat alý úshin jumyspen qamtý jáne áleýmettik qorǵaý basqarmasyna 55-14-87, 55-01-74, 55-69-59, 55-67-12, 109(iKomek) habarlasýǵa bolady.
