Keshe Astanada Qazaqstan – Qytaı iskerlik keńesiniń quryltaıshylyq otyrysy boldy. Ol Memleket basshysy Nursultan Nazarbaev pen Qytaı Halyq Respýblıkasynyń Tóraǵasy Sı Szınpınniń qatysýymen ótti. Sondaı-aq, otyrysqa eki eldiń ulttyq kompanııalary basshylary men isker orta ókilderi qatysty.
Keshe Astanada Qazaqstan – Qytaı iskerlik keńesiniń quryltaıshylyq otyrysy boldy. Ol Memleket basshysy Nursultan Nazarbaev pen Qytaı Halyq Respýblıkasynyń Tóraǵasy Sı Szınpınniń qatysýymen ótti. Sondaı-aq, otyrysqa eki eldiń ulttyq kompanııalary basshylary men isker orta ókilderi qatysty.
Qatysýshylarǵa arnaǵan sózinde Nursultan Nazarbaev Qazaqstan Qytaıdy senimdi seriktes jáne tatý kórshi retinde joǵary baǵalaıtynyn atap ótti.
Dıplomatııalyq qatynastar ornaǵan kezden bastap bizdiń elderimiz ekijaqty ekonomıkalyq yntymaqtastyqta aıtarlyqtaı nátıjelerge qol jetkizdi. О́tken jyly ózara saýda kólemi 24 mıllıard dollar boldy. Ortaq kúsh-jiger jumsaýymyzdyń arqasynda sońǵy jyldary ózara is-qımyldyń túrli tetikteri qalyptastyryldy jáne tabysty jumys istep keledi. Olardyń qatarynda Qazaqstan-Qytaı komıtetiniń Yntymaqtastyq jónindegi qyzmeti men turaqty ótkizilip turatyn úkimet basshylary deńgeıindegi kezdesýler anaǵurlym mańyzdysy bolyp sanalady. О́tken jyldarda biz ekijaqty yntymaqtastyqty odan ári damytýdy retteıtin baıypty sharttyq-quqyqtyq baza qura bildik. Bul 170-ten astam úkimetaralyq jáne vedomstvoaralyq qujatty qamtyp otyr, dedi Elbasy.
Qazaqstan Prezıdenti elimizde ınvestorlardyń quqyqtary men múddelerin qorǵaýǵa baǵyttalǵan zańdar qabyldanǵanyn da arnaıy atap ótti.
Olardyń qyzmetine jan-jaqty qoldaý kórsetiledi. «Qazaqstan-Qytaı» munaı qubyrynyń, «Sarybulaq-Zımunaı» jáne «Beıneý – Bozoı – Shymkent» gaz qubyrlarynyń qurylysy tabysty ınvestısııalyq ózara is-qımyldyń taǵy bir mysalyna aınaldy. Qazirgi ýaqytta biz jańa Jibek jolyn jańǵyrtýdamyz. Búkil elimiz boıynsha «Batys Eýropa – Batys Qytaı» magıstraldi kólik dálizin, jańa avtomobıl jáne temir joldardy, teńiz termınaldary men logıstıkalyq ortalyqtardy salyp, quryp jatyrmyz, dedi Nursultan Nazarbaev.
Qazaqstan basshysy Uly Jibek jolyn jańǵyrtýdyń taǵy bir tásili aqparattyq tehnologııalar salasyndaǵy tranzıttik áleýetti ashý bolatyndyǵy jóninde pikir bildirdi.
Azııa men Eýropa arasyndaǵy telekommýnıkasııalyq arnalarǵa suranystyń artyp otyrǵanyn eskerip, Qazaqstan aqparattar aǵyny úshin meılinshe qolaıly jáne barynsha qysqa baǵyt usynýǵa daıyn, dedi Nursultan Nazarbaev.
Elbasy Iskerlik keńesti qurý eki el bıznesiniń arasyndaǵy baılanystardy keńeıtýdiń tıimdi jalǵasy bolatynyna toqtaldy.
Meniń oıymsha, onda eleýli ekonomıkalyq áleýet bar. Bul qurylym qyzmettiń ashyq formatyna ıe bola otyryp, ekijaqty saýda-ekonomıkalyq qarym-qatynastardy tereńdetýde pármendi sharalardy qabyldaýǵa tıis, dep bir qaıyrdy.
Qazaqstan Prezıdenti Iskerlik keńestiń aıasynda salalar men óndiristerdi damytý jobalaryn júzege asyrýǵa arnalǵan ınvestısııalyq jáne jol kartalaryn jyl saıyn ázirlep, qabyldaýdy usyndy.
Keńestiń tıimdi jumys isteýi úshin onyń aıasynda Astanada turaqty jumys organyn qurý qajet dep esepteımin. Odan bólek, taraptar úshin basym baǵyttardy nysanaǵa alǵan salalyq jumys toptaryn uıymdastyrǵan jón, dedi Qazaqstan basshysy.
Elbasynyń taǵy bir usynysy Iskerlik keńestiń kúsh-jigerin kásipkerlerdiń quqyqtary men múddelerin qorǵaýǵa, eki eldiń isker toptary men memlekettik qurylymdary arasynda suhbat alańyn qalyptastyrýǵa baǵyttaý jóninde boldy.
Qazaqstan men Qytaı arasyndaǵy yntymaqtastyqty jandandyrýǵa septigin tıgizetin kórmelerdi, saýda jármeńkelerin, semınarlardy, konferensııalar men eki eldiń tanystyrylymdaryn turaqty ótkizip turý qajet. Sondaı-aq, tıimdi pikir jáne iskerlik aqparattar almasýdy jolǵa qoıý maqsatynda Iskerlik keńeske merzimdi baspa jáne elektrondy basylymdar shyǵarýdy qamtamasyz etý usynylady, dedi Prezıdent.
Sóz sońynda Nursultan Nazarbaev Iskerlik keńestiń quryltaıshylyq otyrysy eki eldiń saýda-ekonomıkalyq jáne ınvestısııalyq yntymaqtastyǵyn odan ári jandandyrýǵa qatysty qundy usynystar men usynymdar ázirleýge múmkindik beretinine senim bildirdi.
QHR Tóraǵasy Sı Szınpın qatysýshylardy Qazaqstan-Qytaı iskerlik keńesiniń ashylýymen quttyqtady jáne eki eldiń túrli salalardaǵy yntymaqtastyǵy buryn qol jetpegen bıikke kóterilgenin atap aıtty.
Meniń saparymnyń eń basty maqsaty – ekijaqty qatynastarymyzdy jańa belesterge kóterý úshin Qazaqstan Prezıdentimen birge bar kúsh-jigerdi jumsaý. Qazaqstan – tartylǵan Qytaı ınvestısııalarynyń kólemi jóninen TMD-daǵy iri el. Qazaqstanmen birge biz qubyr jelisin jáne Shekaralyq yntymaqtastyqtyń halyqaralyq ortalyǵyn saldyq. Tabysty yntymaqtastyqtyń mundaı mysaldary óte kóp, dedi Sı Szınpın.
QHR Tóraǵasy Iskerlik keńesin qurý eki el bıznes-qaýymdastyqtarynyń saýda-ekonomıkalyq qarym-qatynastardy nyǵaıtýǵa degen qulshynysynyń aıǵaǵy ekenin aıtyp, bul Keńes yntymaqtastyqtyń jańa úlgilerin ázirleıtinine jáne kompanııalardy ózara tıimdi seriktestikke kóptep tartatyndyǵyna úmit artty.
Iskerlik keńes otyrysynyń barysynda ekonomıkalyq jáne ınvestısııalyq baılanystardy tereńdetýge baǵyttalǵan birqatar ekijaqty qujattarǵa qol qoıyldy.
Atap aıtqanda, «Samuryq-Qazyna» AQ-tyń basqarma tóraǵasy О́mirzaq Shókeev pen QHR tarapynan SITIS Group dırektorlar keńesiniń tóraǵasy Chan Chjenmın «Investısııalyq kartany» júzege asyrý kelisimine qol qoıdy. Bul qujatta 21 joba qamtylǵan. Olardy júzege asyrýǵa 18 mıllıard dollar jumsalmaq. Otyrys barysynda, basqarma tóraǵasy Datang Corpoation dırektorlar keńesiniń tóraǵasy Chen Szınsınmen SITIS basshylyǵymen energetıka salasynda birlese jumys isteý boıynsha kelisimge keldi. Olarmen qatar, «QazMunaıGaz» AQ-tyń basqarma tóraǵasy Saýat Myńbaev CNPC dırektorlar keńesiniń tóraǵasy Chjoý Szıpınmen kelisimge qol qoıdy. Eki taraptyń taǵy birqatar kompanııalary tıimdi kelisimder men sharttarǵa otyrdy. Jalpy, Iskerlik keńes otyrysyna Qazaqstan men Qytaıdyń 140 iri kompanııasy qatysty.
Otyrystyń resmı jıyny aıaqtalǵan soń Qyzylordada turǵyzylmaq shyny zaýyty qurylysyna arnalǵan kelisimge qol qoıǵandardyń biri – atalǵan oblystyń ákimi Qyrymbek Kósherbaevtan Qazaqstan – Qytaı Iskerlik keńesi men qol qoıylǵan kelisimder jóninde pikirin suraǵan edik.
– Iskerlik keńes der kezinde qurylyp, eki eldiń de saýda aınalymyn arttyrady. Sóıtip, ekonomıkalyq damýyna jańa serpin beredi. Bul keńes, kásipkerlerge bıznesin damytý úshin jańa keńistik ashyp bergeni anyq. Al, qol qoıylǵan kelisimderge kelsek, bári de zerttelip, zerdelengen qujattar. Sondyqtan, bul jobalar júzege assa, bizdiń eldiń utary mol bolady. Máselen, bizdiń oblysta irge kóteretin shyny zaýyty osynaý qat materıalmen eldegi qurylys salasyn qamtamasyz etetin bolady, dedi Qyrymbek Kósherbaev.
Otyrys sońynda Nursultan Nazarbaev pen Sı Szınpın «Bozoı – Shymkent» ýchaskesindegi «Beıneý – Bozoı – Shymkent» magıstraldi gaz qubyryn gazben toltyrýdy bastaýǵa arnalǵan resmı saltanatqa qatysty.
Nurbaı ELMURATOV,
«Egemen Qazaqstan».
