Iаǵnı, monıtorıng nátıjesinde memlekettik organdar men kvazımemlekettik sektor sýbektileri tarapynan josparlanǵan memlekettik satyp alýda negizsiz baǵany ósirý faktileri anyqtalǵan. Birqatar tıisti mekemelerge josparlanǵan somany medıandyq baǵaǵa keltirip, qaıta josparlaý boıynsha hat joldanǵan. Máselen, departament málimetinshe, Kentaý qalasynyń bilim bólimi A4 pishimdi alfavıttik kitapty 517 670 500 teńge kóleminde satyp alýdy josparlaǵan. Osy ýaqytqa deıin atalǵan kitaptyń medıandyq baǵasy 1 650 teńge mólsherinde bolǵan, ıaǵnı satyp alý durys josparlanbaǵan nemese málimetter durys toltyrylmaǵan.
Osy oraıda, departament tarapynan bıýdjet qarajatyn únemdep, tıimdi jumsaý maqsatynda kitaptyń baǵasyn medıandyq baǵaǵa sáıkestendirip, satyp alýǵa josparlaǵan somany qaıta qarastyrý usynylǵan.
Nátıjesinde 104 965 714 teńge bıýdjet qarajaty únemdeldi. Osyndaı jáıt Báıdibek aýdanynda da anyqtalǵan. Aýdandyq bilim bólimi kitap satyp alýǵa jalpy sommasy 188 078 000 teńge josparlaǵan. Atalǵan mekemege kitaptyń baǵasyn medıandyq baǵaǵa saı túzep, satyp alýǵa josparlaǵan somany qaıta qarastyrý usynyldy. Nátıjesinde 88 001 456 teńge únemdelip otyr.
Departament aldaǵy ýaqytta da bıýdjet qarajatynyń tıimsiz jumsalýyna jol bermeý maqsatynda monıtorıng jumystaryn júıeli túrde júrgizbek.
Túrkistan oblysy
