Qurmetti otandastarym!
Elimizde alǵash ret Otbasy kúni bekitildi, ol Qazaqstanda jyl saıyn qyrkúıektiń ekinshi jeksenbisinde atap ótiletin bolady.
Men barlyq qazaqstandyqtardy shyn júrekten jańa merekemen quttyqtaımyn!
Bizdiń qoǵamda otbasy árqashanda rýhanı jáne mádenı dástúrlerdiń saqtaýshysy, túrli býyndar arasyn jalǵastyrýshy boldy jáne solaı bolyp qala bermek.
Otbasy kúni bizdiń qoǵamymyzda rýhanılyqty, ónegelilikti nyǵaıtýǵa, erli-zaıyptylar jaýapkershiliginiń mańyzdylyǵyn sózsiz moıyndaýǵa yqpal etedi.
Otanǵa degen súıispenshilik otbasynan bastalady. Týǵan shańyraqtan alǵan tárbıe – bul barsha halqymyzdyń baqýatty da tabysty bolashaǵynyń kepili.
Otbasylyq qundylyqtardy, kópbalalyqty nasıhattaý – bizdiń memleketimizdiń eń basty mindetteriniń biri. Táýelsizdik jyldary 6 mıllıonnan asa qazaqstandyq dúnıe esigin ashty. Al elimiz azamattarynyń jalpy sany 17 mıllıonnan asty. Bul Qazaqstan Respýblıkasyndaǵy otbasylyq-demografııalyq saıasattyń durystyǵynyń, halqymyzdyń ál-aýqatynyń artqandyǵynyń barynsha aıǵaǵy.
Otbasy kúni barsha qazaqstandyqtarǵa amandyq jáne baıandy otbasylyq baqyt tileımin. Árbir qazaqstandyq otbasynyń órkendeýimen bizdiń Qazaqstanymyz, bizdiń Otanymyz nyǵaıa bersin.
Nursultan NAZARBAEV.
