О́ńirde barlyq qyzmetterdi sıfrlandyrý jumystary qarqyndy júrgizilýde. Kóptegen uıymdarda POS-termınaldar ornatylyp, azamattardyń ózderine qyzmet kórsetý múmkindigi keńeıgen. Tótenshe jaǵdaı kezinde sıfrlandyrý júıesiniń joǵary deńgeıde bolǵany halyqtyń qaýipsizdigi úshin asa mańyzdy bolyp otyr. Sondyqtan da bekitilgen «Jol kartasyna» sáıkes memleketke vedomstvolyq baǵynysty kommersııalyq emes jáne kommersııalyq uıymdar, balabaqshalar, mektepter sıfrlandyrylatyn bolady. Oblys ákiminiń orynbasary Meıirjan Myrzalıev pen óńirdegi ekinshi deńgeıli bank, «Agrarlyq nesıe korporasııasy» AQ, Ulttyq Banktiń fılıaly, Túrkistan oblysy memlekettik kirister departamenti jáne «Qazposhta» AQ ókilderiniń qatysýymen ótken keńes barysynda osy baǵytta júrgizilip jatqan jumystar zerdelendi. Sondaı-aq POS-termınaldarsyz jumys isteýge týra keletin jaǵdaılardyń birqatar sebepteri atap kórsetildi. Máselen, bankterdiń ótinishti resimdeý jáne termınaldardy jetkizý merzimi 2 aptadan 2 aıǵa deıin sozylǵan nemese 1-den 3% - ǵa deıin joǵary komıssııalyq tarıfter kásipkerler úshin tıimsiz bolǵan jaǵdaıda, óıtkeni bank senimdiligine qaraı tutynýshylar túrli sanatta bolýy múmkin. Bul oraıda M. Myrzalıev turǵyndar úshin jaılylyq jasaý basty mindet ekenin aıta kele, jaýapty uıym basshylaryna sıfrlandyrý baǵytynda jumysty kúsheıtýdi tapsyrdy.
Túrkistan oblysy
