Tótenshelikterdiń málimetinshe, byltyr qala aýmaǵynda sý basý múmkindigi joǵary 26 oryn anyqtalǵan bolsa, búginde 9 ýchaskede qaýip seıilipti. Bıylǵy jyly qalǵan 17 núktege qurylys jumystaryn júrgizý kózdelip otyr.
«Sońǵy 3 jyl ishinde qala aýmaǵynda 380 shaqyrymnan astam aryq júıesi jańartylyp, 40 shaqyrymǵa jýyq ózen arnalary nyǵaıtyldy. Osy sharalardyń nátıjesinde qala aýmaǵyndaǵy sý basý jaǵdaılary 3 esege tómendetildi. Bıylǵy sý basý kezeńine qalanyń azamattyq qorǵaý qyzmetterinen jınaqtalǵan 6481 adam, 1370 tehnıka, 144 sý sorǵysh, 13 myń qap qum, 70 tonna ınertti materıaldar daıyndaldy. Bári baqylaýda, qajetti kúshter men quraldar tolyqtaı daıyn», - dep habarlady TJD baspasóz qyzmeti.
