Qoǵam • 15 Sáýir, 2020

Túrkistan: Muqtaj jandarǵa jan-jaqty kómek kórsetilýde

340 ret

kórsetildi

1 mın

oqý úshin

Túrkistan oblysy Tólebı aýdanynda az qamtamasyz etilgen otbasylardy qoldaý maqsatynda qaıyrymdylyq sharalary jalǵasýda. Mysaly, «Beıbars ı K» JShS-y men Qýanysh Eshenqulov jeke qory Lengir qalasy men aýyldyq okrýgterde turatyn 30 otbasyǵa «Qamqorlyq» baǵdarlamasy aıasynda 20 myń teńge kóleminde qarjylaı kómek úlestirdi.

Ǵalymjan ELShIBAI

Túrkistan: Muqtaj jandarǵa jan-jaqty kómek kórsetilýde

Sondaı-aq Nur Otan partııasy Tólebı aýdandyq fılıalynyń uıymdastyrýymen aýdan ortalyǵynda «Biz birgemiz!» aksııasy aıasynda áleýmettik kómekke muqtaj 14 otbasyǵa azyq-túlik taratyldy. Al aýdan kásipkerleri Lengir qalasyndaǵy az qamtylǵan 7 otbasyǵa azyq-túlik toptamalaryn jetkizip berdi.Osyndaı izgi shara Kóksáıek aýyldyq okrýginde jalǵasyn taýyp, aksııa aıasynda 15 az qamtylǵan otbasyǵa demeýshiler tarapynan azyq-túlik berildi. Sonymen qatar kásipkerlerdiń qoldaýymen «Qamqorlyq» baǵdarlamasy boıynsha 7 otbasyǵa 20 myń teńgeden qarjylaı kómek kórsetildi.

Áleýmettik kómek alǵan otbasylar demeýshilerge, saıası uıym ókilderine izgi tilekterin aıtyp, alǵystaryn bildirdi.

Túrkistan oblysy