Keles aýdanynda jumys saparymen bolǵan ınspektor elimizde jarııalanǵan tótenshe jaǵdaıǵa baılanysty atqarylyp jatqan jumystardyń barysymen tanysty. Birqatar eskertýler jasady. Mysaly «Qazaqstan Halyq banki» aýdandyq fılıaly ǵımaratynyń halyqqa qolaısyz jerde ornalasqanyn aıtyp, jańa ǵımarat salý máselesin kóterdi. Kólik kóp ótetin kúre joldyń boıynda ornalasqan ǵımaratty kóshirý kerektigin eskertti. Halyq arasynda medısınalyq maska men antıseptıkterge suranys joǵary bolǵandyqtan Serik Qojanııazov aýdan ortalyǵyndaǵy dárihanalardy aralap, ondaǵy jaǵdaıdy tekserdi. Jaǵdaı turaqty. Bul oraıda Keles aýdanynyń ákimi Aqmentaı Esbaev jergilikti kásipkerlerlerdiń kómegimen, eriktilerdiń atsalysýymen, qorda qosymsha 50 myńdaı betperdeniń bar ekenin jetkizdi.
Sondaı-aq, Memlekettik ınspektor aýdandyq «Qazposhta» men jumyspen qamtý ortalyǵyn jáne birqatar saýda oryndaryn aralap, ondaǵy saqtyq sharalarynyń saqtalýyn tekserdi.
