«14 sáýir kúni qalalyq polısııa departamentiniń aýmaqtyq bólimshelerine 169 adam jetkizildi. Sonyń ishinde, 142 azamat ákimshilik jaýapkershilikke tartylyp, 9-y qamaýǵa alyndy. Sondaı-aq, 97 aıyppul salynyp, 32 eskertý jasaldy. Munan bólek 4 is sottyń qaraýynda», – delingen Nur-Sultan qalalyq polısııa departamentiniń baspasóz qyzmetiniń habarlamasynda. Sonymen qatar, túrli ákimshilik quqyq buzýshylyq úshin 98 avtokólik kommýnaldyq turaqtarǵa qamalǵan. «Bizdiń maqsatymyz – qoǵamdyq tártipti, karantın rejımin saqtaý, turǵyndar arasynda túsindirme júrgizý. О́kinishke oraı, munyń mańyzyn túsinbeı, rejımdi buzatyndar kóp. Keıbir adamdar agressıvti kóńil-kúıde qabyldaıdy. Biraq biz olardyń ıgilikteri úshin ne isteý kerektigin túsindirýge tyrysamyz. Eń agressıvti degen turǵyndardyjaýapkershilikke tartamyz, áıtpese bolmaıdy», – deıdi Saryarqa aýdandyq polısııa basqarmasynyń jergilikti polısııa qyzmeti bóliminiń bastyǵy Marat О́mirbaev.
Buryn habarlaǵandaı, elordada polısııa qyzmetkerleri táýlik boıy kezekshilik júrgizip, qalanyń barlyq aýdandarynda azamattar men avtokólik quraldarynyń qozǵalysyn qatań baqylaýda ustaýda. Mobıldi toptar, jaıaý narıadtar jumyldyrylǵan. Blokpostardaǵy jaǵdaı dron kómegimen qadaǵalanýda. Qala aýmaǵy kóshe shekaralary boıynsha sharshylarǵa bólingen. Olardyń árqaısysynda tártip saqshylary jaǵdaıdy qadaǵalaıdy.
Qalada 26 mobıldi beket qoıylǵan. Nur-Sultanda azyq-túlik, dári-dármek satyp alýdy, qajet bolǵan jaǵdaıda medısınalyq mekemelerge júginýdi, sondaı-aq qyzmeti ruqsat etilgen jumysqa shyǵýdy qospaǵanda, azamattardyń úıden shyǵýy shektelgen. Kámeletke tolmaǵandarǵa qala boıynsha eresekterdiń erip júrýinsiz júrýge tyıym salynady. Otbasy múshelerin qospaǵanda, kóshelerde úsh adamnan artyq jınalýǵa ruqsat etilmeıdi.
Polısııa qyzmetkerleri turǵyndar arasynda engizilgen shekteýlerdi saqtaý týraly túsindirme júrgizýde. Tótenshe jaǵdaı rejımin jáne shekteý sharalaryn qasaqana buzǵan jaǵdaıda tártip buzýshylarǵa qatysty tıisti zańnamaǵa sáıkes sharalar qoldanylatyn bolady.
