Zoom platformasynda uıymdastyrylǵan onlaın formattaǵy kezdesýge Pedagogıka-psıhologııa fakýlteti, Qazaq fılologııasy jáne álem tilderi fakýlteti, Áleýmettik-gýmanıtarlyq fakýlteti, Jaratylystaný fakýlteti, Fızıka-matematıka fakýlteti men О́ner jáne mádenıet fakýltetiniń 600-ge jýyq bilim alýshysy qatysty.
Kezdesý barysynda stýdentter ýnıversıtet rektoryna qashyqtan oqýdy uıymdastyrýdaǵy keıbir máseleler, emtıhan tapsyrý, dıplomdyq jumysty qorǵaý týraly saýaldar qoıdy. Sonymen qatar bilimgerler sessııa, oqý aqysy, antıplagıat jaıynda da kóterdi.
Qoıylǵan suraqtarǵa rektor Gaýhar Aldambergenova, oqý jáne oqý-ádistemelik máseleler jónindegi prorektory Erkin Jumanqulova keńinen jaýap berdi.
Eki saǵattan astam ýaqytqa sozylǵan kezdesýde jalpy sany 60-tan astam saýal qoıylyp, olarǵa tıisti jaýaptar berildi.
Basqosý barysynda oqý ornynyń basshysy stýdentterge karantın ýaqytynda ýnıversıtet tarapynan qolǵa alynǵan birqatar jumystardy da atap ótti.
– Elimizde qalyptasqan jaǵdaıǵa baılanysty Qyzdar ýnıversıtetinde birneshe joba júzege asyrylyp jatyr. Birinshiden, bilim alýshylarǵa jedeldetilgen ádistemelik kómek kórsetý maqsatynda «Akademııalyq saǵat» jobasy bastaý aldy. Maqsat – ýnıversıtettiń oqytýshylary, bilim alýshylary jáne ákimshilik qyzmetkerlerimen qashyqtan oqý boıynsha tyǵyz baılanys jasaý. «Akademııalyq saǵat» kezinde bilim alýshylar prorektorlarǵa, dekandarǵa, kafedra meńgerýshilerine qashyqtan oqytý barysynda týyndap jatqan suraqtardy qoıa alady. Ekinshiden, «Sıfrly volonter» jobasy. Ol professor-oqytýshylarǵa ádistemelik jáne aqparattyq kómek kórsetýge baǵyttalǵan. Al úshinshiden, ýnıversıtette Psıhologııalyq qoldaý qyzmeti ashyldy. Oqý ornynyń bilikti psıholog mamandarynan qurylǵan top karantın ýaqytynda el turǵyndaryn qoldaý maqsatynda jáne óz-ózin oqshaýlaý sıtýasııasynda stresstik jaǵdaıǵa túsýdiń aldyn alý boıynsha keńester beredi. Qyzmetterdiń barlyǵy tegin. Barlyq aqparattar ýnıversıtettiń resmı ınternet resýrsy men áleýmettik jelidegi resmı paraqshalarynda jarııalanǵan, – dep atap ótti ýnıversıtet rektory Gaýhar Aldambergenova.
Aıta keteıik, Qyzdar ýnıversıtetinde oqytýshylar men stýdentterge qashyqtan oqytý boıynsha ádistemelik jáne tehnıkalyq qoldaý kórsetetin Call-ortalyǵy da jumys isteýde. Qyzmettiń basty artyqshylyǵy – qashyqtan oqytý tehnologııasy boıynsha atqarylyp jatqan jumystar týraly tolyqqandy málimetpen qamtamasyz etý jáne osy taraptaǵy ózge de saýaldarǵa keńinen jaýap berý.
Call-ortalyq dúısenbi-juma kúnderi saǵat 9:00-18:00, senbi kúni saǵat 09:00-13:00 aralyǵynda jumys isteıdi.
Baılanys telefony: 8 (727) 237-00-77.
