Al, Jambyl oblysynyń Qordaı aýdany, Qordaı aýyldyq okrýgi boıynsha aǵymdaǵy jyly jalpy 21 jobany iske asyrý maqsatynda 898 mıllıon 615,0 myń teńge bólingen. Aýdan ákimdiginiń málimetinshe, búginde atalǵan joba aıasynda aýdan ortalyǵynda qarqyndy jumystar bastalyp ketken. Aýdan ortalyǵy Qordaı aýylynyń 5 aýylishilik kósheleri men 2 jaıaý júrginshilerge arnalǵan joldarǵa jóndeý jumystary júrgizilýde. Atalǵan 5 kósheniń jumystary sáýir aıynda aıaqtalady dep josparlanýda eken. Osylaısha 16 kóshege ýkezeń-kezeńimen jóndeý jumystary júrgiziletin bolady.
Sonymen qatar atalǵan baǵdarlama aıasynda jergilikti bıýdjetten de qarjy qarastyrylǵan. Bul qarajatqa aýdandyq Mádenıet úıiniń aldyndaǵy sýburqaqtyń qurylysy bastalǵan. Al, merdiger «Kana» jeke kásipkerligi bul nysannyń jýyq arada paıdalanýǵa beriletinin aıtady. Sondaı-aq, aýylǵa kireberis tustaǵy aınalmaly jolǵa da abattandyrý jumystary júrgizilýde. Al, Nurdáýlet Álibekuly atyndaǵy magıstraldy kanalynyń Tóle bı men Qazybek bı kósheleriniń aralyǵyndaǵy bóligin qorshaýdy «Qarataev» jeke kásipkerligi qolǵa alǵan. Olar da jumystyń jaqyn arada bitetinin aıtady.
Jambyl oblysy
