Adamdarǵa janýarlardan vırýstyń juǵýy tosyn jańalyq emes. Jándikterden de vırýs juqtyrý derekteri jıi kezdesedi. Kóp jaǵdaıda mundaı ınfeksııalar adamnan adamǵa juqpaıtyndyqtan, derekter nazardan tys qalyp jatady. Bul joly ǵalymdar janýarlar adamǵa qanshalyqty jaqyn mańda ómir súrse, vırýs juqtyrý saldary sonshalyqty jıi kezdesetindigin alǵa tartady.
Zertteýlerden málim bolǵanyndaı, janýarlardyń 11,4% vırýs tasymaldaýshy bolyp tabylady ári ol adamǵa juǵady. Olardyń 50% úıge tán janýarlar bolyp tabylsa, onyń ishinde aýyl sharýashylyǵyna tıesili janýarlar da kezdesedi. Sondyqtan da ǵalymdar adamǵa juǵatyn vırýstarǵa abaı bolýǵa shaqyra otyryp, úı janýarlaryn jabaıy janýarlardan alshaq mańdarda ustaýǵa shaqyrady.
