Bul týraly Túrkistan oblysy boıynsha Tótenshe jaǵdaılar departamenti bastyǵynyń orynbasary podpolkovnık Erik Sarybaev О́ńirlik kommýnıkasııalar qyzmetinde ótken brıfıngte málimdedi. Jazataıym oqıǵalardyń barlyǵy derlik azamattardyń sý jaǵalaýlarynda qaýipsizdik erejelerine salǵyrt qaraýynyń sebebinen oryn alǵan.
«Sýǵa batqandardyń 3-eýi jas bala, 2-eýi eresek. Oryn alǵan jaǵdaılardyń negizgi sebepteri – balalardy sýattar janynda úlkenderdiń qaraýynsyz qaldyrý jáne abaısyzdan sýǵa qulaý, júze bilmeý. Osyǵan baılanysty turǵyndardy saqtyq sharalaryn ustanýǵa shaqyratyn túsindirme jumystary júrgizilip keledi. Mysaly, oqýshylardyń qatysýymen bolatyn sýdaǵy jazataıym oqıǵalardyń aldyn alý maqsatynda bilim bólimderimen birlesip, onlaın sabaqtarda, úkimettik emes uıymdar ókilderine áleýmettik jeliler arqyly tıisti aqparattar, sondaı-aq aýdan qala ákimdikteriniń áleýmettik jelilerdegi paraqshalary arqyly eskertý sıpatyndaǵy maqalalar jarııalanýda», – dedi Erik Temirhanuly.
О́ńirde orman órti de ózekti másele. Oblys aýmaǵynda jyl basynan beri 14 dala órti tirkelgen. Orman sharýashylyǵyna keltirilgen materıaldyq shyǵynnyń jalpy sommasy shamamen 802,2 myń teńge.
