Bul jaıynda qazaqstandyq tanymal promoýter Álıhan Jarylǵapov Vesti.kz saıtynyń tilshisine bergen suhbatynda málimdedi. «Ámir Han – meniń dosym. Aıtýly boksshynyń bastamasymen qurylǵan qory osyndaı qıyn-qystaý kezeńde Pákstan men Anglııanyń myńdaǵan adamdaryna kómektesip jatyr. Karantın aıaqtalyp, indet seıálgennen keıin men ony «Qazaqstanǵa kel» dep qonaqqa shaqyrdym. Ol usynysymdy qabyl aldy», - deıdi Álıhan.
Tegi pákstandyq bolǵanymen, Anglııanyń Bolton qalasynda týyp-ósken 33 jastaǵy jigit qazaqstandyq jankúıerlerge de jaqsy tanys. 2004 jyly Afıny Olımpıadasynyń jartylaı fınalynda Ámir Han bizdiń Serik Eleýovten basym tústi. Fınalda dańqty kýbalyq boksshy Marıo Kındelanǵa ese jibergen Ulybrıtanııa ókili sol jarysty kúmis medalmen qorytyndylady.
2005 jyldan beri Ámir Han kásipqoı rıngte kúsh synasyp júr. Sol aralyqta
39 kezdesý ótkizip, 34 ret jeńiske jetti. 21 qarsylasyn nokaýtqa jiberdi.
