Qurmetti qostanaılyqtar!
Búgin jedel shtab otyrysy ótti. Densaýlyq saqtaý salasynyń mamandaryn tyńdaı kele, 17 sáýir kúni saǵat 00.00-den bastap 1-shi mamyr saǵat 07.00-ge deıin oblys aýmaǵynda karantın engizý týraly sheshim qabyldandy.
Bul, halyqty koronavırýstyq ınfeksııadan qorǵaý úshin májbúrli shara ekenin atap ótkim keledi. Mundaı tájirıbe, Qazaqstannyń basqa oblystarynda qoldanylýda. Eń aldymen, karantın rejımi bizge barlyq baılanystarǵa shekteý qoıýǵa jáne qaýipti vırýstyń taralýyna jol bermeýge múmkindik beredi.
Qazir dárigerler, polısııa qyzmetkerleri jáne tirshilikti qamtamasyz etý kásiporyndarynyń qyzmetkerleri kúsheıtilgen rejımde jumys jasaýda. Men barlyqtaryńyzdy olardyń eńbekterine qurmetpen qaraýǵa shaqyramyn. Biz Sizdermen birge qolymyzdan kelgenshe olarǵa kómek kórsete alamyz.
Oblystyń barlyq turǵyndaryn karantın jaǵdaıyna barynsha baıypty qaraýdy suraımyn. Úıde bolyp, barlyq medısınalyq usynystardy saqtaý qajet.
Qymbatty qostanaılyqtar!
О́zderińizdi jáne jandaryńyzǵa jaqyn jandardy qorǵańyzdar! Árbir otbasyna amandyq, barlyq qostanaılyqtarǵa myqty densaýlyq jáne senimdilik tileımin. Biz qanshama ret qıyndyqtardy bastan ótkerdik, biraq árdaıym tek alǵa júrdik. Biz barlyǵyn jeńemiz jáne osy joly da jeńiske sózsiz jetemiz. Biz birgemiz! – dedi Arhımed Muhambetov.
Qostanaı oblysy
