Medısına • 16 Sáýir, 2020

Bul – memleketimizdiń úlken qoldaýy

147 ret

kórsetildi

1 mın

oqý úshin

Biz 23 naýryzdan 5 sáýirge deıin táýlik boıy aýrýhanada bolyp, úzilissiz jumys istedik. Qasymda 3 dáriger, 2 reanımatolog, 6 medbıke, 6 kishi medısına qyzmetkeri boldy. Aýrý juqtyrǵan jáne kúmándi naýqastarmen tikeleı qarym-qatynasta bolyp, emdedik, aýrýyn anyqtadyq. 14 kúndik kezegimizdi atqaryp bolǵan soń oblystyq densaýlyq saqtaý basqarmasy qala syrtyndaǵy demalys ornyna jiberdi.

Egemen Qazaqstan

Árıne dáriger mamandyǵy qashanda qıyn, jaýapty mamandyq. Osy mamandyqty ózim tańdaǵandyqtan, basymdy báıgege tigýge daıynmyn. Otbasymyzdy kórmegenimizge 20 shaqty kún boldy. Eń qıyny sol eken. Biraq bári de ýaqytsha qıyndyq qoı.

Men medısına qyzmetkerleriniń qaýiptiligi asa joǵary 1-tobyna kiremin. Tólemaqyny tolyq aldym. Biraq biz aqsha úshin jumys istegen joqpyz. О́z kásibı mindetimizdi atqardyq. Osy eńbegimizdi joǵary baǵalaǵan Prezıdent Qasym-Jomart Toqaevqa rahmet aıtamyn. Bul memlekettiń medısına qyzmetkerlerine jasaǵan úlken qoldaýy. Bárimiz de dán rızamyz.

Gúlmıra QALMAǴANBETOVA,

Aqtóbe oblystyq ınfeksııalyq aýrýhanasynyń ınfeksıonıst dárigeri