Bul azamattyń shyn esimi - Ferdınand Lıýıs Alsındor. 1947 jyldyń 16 sáýirinde Nıý-Iorkte dúnıege kelgende onyń boıy 57 santımetr jáne salmaǵy 5,73 kılo bolǵan eken. Ata-anasy Ferdınandty katolık dini negizderimen tárbıelegenimen, eseıe kele bul jigit ıslam dinin qabyldaýdy qup kórdi. Osylaısha, ol óziniń aty-jónin Kárim Abdýl-Djabar dep ózgertti.
Ulttyq basketbol qaýymdastyǵy tarıhyndaǵy (UBQ) eń úzdik on oıynshynyń qataryna engen Kárimniń boıy – 218 sm, salmaǵy – 121 kılo. 1969-1989 jyldary aralyǵynda áýeli «Mılýokı Baks», odan keıin «Los-Andjeles Leıkerstiń» sapynda óner kórsetken ol «Ilmek laqtyrýdyń koroli» degen laqap atqa ıe boldy. Kezinde Abdýl-Jabar UBQ-nyń kóptegen rekordtyq kórsetkishterin jańartty.
Odan bólek, Kárim 20-dan asa fılmge tústi. Solardyń arasyndaǵy eń tanymaly – 1979 jyly jaryqqa shyqqan «О́limniń oıyny». Sol fılmde ol Brıýss Lımen jekpe-jekke shyqqan alyp jendettiń rólin somdady.
