«Azamattyq qorǵaý týraly» 2014 jylǵy 11 sáýirdegi Qazaqstan Respýblıkasynyń Zańyna, «Qazaqstan Respýblıkasynda tótenshe jaǵdaıdy engizý týraly» Qazaqstan Respýblıkasy Prezıdentiniń 2020 jylǵy
15 naýryzdaǵy №285 Jarlyǵyna, Qazaqstan Respýblıkasy Prezıdenti janyndaǵy tótenshe jaǵdaı rejımin qamtamasyz etý jónindegi memlekettik komıssııanyń a.j. 15 sáýirdegi hattamasyna sáıkes áleýmettik-ekonomıkalyq turaqtylyqty qamtamasyz etý maqsatynda Nur-Sultan qalasy boıynsha karantın aımaǵynyń aýmaǵynda koronavırýstyq ınfeksııanyń taralýyna jol bermeý jónindegi jedel shtab (budan ári – Shtab), tótenshe jaǵdaıdy joıý basshysy bylaı dep ShEShTI:
- Karantın jáne tótenshe jaǵdaıdyń qoldanylý kezeńinde Shtabtyń 2020 jylǵy 28 naýryzdaǵy № 06 sheshiminiń 1, 4-tarmaqtarynda kózdelgen uıymdardyń qyzmetin toqtata turý jáne adamdardyń, jeke jáne qoǵamdyq kóliktiń júrip-turýy boıynsha buryn qabyldanǵan sheshimniń qoldanylý merzimi uzartylsyn.
- 2020 jylǵy 20 sáýirdegi saǵat 00:00-den bastap qyzmettiń kelesi túrlerine jumys kestesin saǵat 09:00-den bastap saǵat 18:00-ge deıin belgilep, kúsheıtilgen sanıtarlyq-epıdemıologııalyq talaptardy saqtaı jáne qyzmetkerlerdiń ortalyqtandyrylǵan tasyp taratylýyn uıymdastyra otyryp, Shtabtyń 2020 jylǵy 28 naýryzdaǵy № 06 sheshimine qosymshada kózdelgen qyzmettiń ruqsat etilgen túrleriniń tizbesimen tolyqtyrylsyn:
- ónerkásiptik kásiporyndar;
- qurylys kompanııalary (jobalaý-izdeý jumystary, qurylys salasyndaǵy saraptama, standarttaý jáne sertıfıkattaý, avtorlyq jáne tehnıkalyq qadaǵalaýlar, qurylys materıaldaryn óndirý jáne tasymaldaý, onyń ishinde joldardy salý jáne jóndeý);
- kúsheıtilgen sanıtarlyq-epıdemıologııalyq talaptardy saqtaı otyryp, jalpy alańy keminde 2000 m2 bolatyn iri qurylys dúkenderi;
- kólik, qattaý salasyndaǵy kompanııalar, aýyl sharýashylyǵy maqsatyndaǵy servıstik kompanııalar;
- avtosalondar, avtobólshekter dúkenderi jáne tehnıkalyq qyzmet kórsetý stansııalary (qyzdyryp óńdeý, avtojýý);
- hımııalyq tazartý, kir jýý qyzmetteri;
- uıymdastyrý tehnıkasyn jóndeý.
