О́z kezeginde Almaty qalasynyń ákiminiń orynbasary Erjan Babaqumarov modýldik qurylystyń barysymen tanysyp, qorymdar jóninde Keńes qurý bastamasyn kóterdi.
Aldymen oqyrmanǵa túsinikti bolýy úshin, bıyl jyldyń 3 sáýirde Prezıdent janyndaǵy Tótenshe jaǵdaıdy qamtamasyz etý jónindegi memlekettik komıssııa koronavırýstyń taralýyna qarsy kúres sharalaryn júzege asyrý aıasynda Almaty qalasynyń aýmaǵynda gospıtal salý týraly sheshim qabyldaǵanyn eske sala ketý kerek.
Almaty qalasy ákiminiń orynbasary Erjan Babaqumarov SOVID-2019-ǵa kúdikti jáne olarmen qatynasta bolǵan adamdarǵa arnalǵan jańa modýldik aýrýhananyń qurylys alańynda bolyp, medısınalyq uıymnyń josparymen egjeı-tegjeıli tanysty.
Medısınalyq uıym aýmaǵynda koronavırýstyq ınfeksııamen aýyratyn naýqastardy oqshaýlaý jáne emdeý úshin 280 oryn ashylady, sonyń ishinde qarqyndy terapııa bólimshesi jumys isteıtin bolady.
Aýrýhanada qyzmetkerlerge arnaıy «taza» aımaqtar belgilengen, bolashaq ınfeksııalyq palatalarda bólek jeldetý júıesi qarastyrylatyn bolady.
Qazirgi tańda densaýlyq saqtaý basqarmasymen qajetti medısınalyq jabdyqtarmen jaraqtandyrý máselesi qarastyrylýda. Medısınalyq qyzmetkerlerdi jabdyqtaý boıynsha jumystar júrgizilip otyr. Jospar boıynsha shtat shamamen 280 dáriger men medısına qyzmetkerlerinen quralady.
Sapar barysynda qurylys jumystarynyń tarıhı ǵımarattar men arheologııalyq qundylyqtardyń saqtalýyn qamtamasyz etý normalarynyń saqtalýyna asa nazar aýdaryldy.
Almaty qalasy Qalalyq josparlaý jáne ýrbanıstıka basqarmasynyń basshysy Almashan Ahmedjanov salynyp jatqan gospıtal jaqyn ornalasqan qorǵan keshenine áser etpeıtinin baıandady.
«Qorǵan kesheni tarıhı-mádenı qordyń bas josparyna sáıkes qorǵalýda. Aýrýhanadan qorǵandarǵa deıingi qashyqtyq 150 metrden asady. Qorǵandardyń kúzet aımaǵy 50 metrdi quraıdy. Barlyq erejeler saqtalýda», - deıdi ýaqytsha qurylystyń jeńil qurylymdary jaıly Almaty qalasynyń bas sáýletshisi.
Qalalyq Mádenıet basqarmasynyń málimetterine sáıkes, qurylys jumystary bastalar aldynda Almaty qorǵandarynyń aınalasyndaǵy qorǵaý aımaqtary eskerildi. Salynyp jatqan modýldik qurylym Qorǵannyń qorǵaý aımaǵynan 50 metr qashyqtyqqa sozylyp, oǵan eshqandaı zaqym keltirilmegen. Qorǵan óz aýmaǵynan modýldik qurylymǵa deıin 170 metr qashyqtyqta, qorǵanys aımaǵynan 50 metr qashyqtyqta ornalasqan.
О́z kezeginde Á.H.Marǵulan atyndaǵy Arheologııa ınstıtýtynyń bas ǵylymı qyzmetkeri Arnabaı Nurjanov júrgizilgen saraptamalyq taldaýdyń qorytyndysy týraly habarlady.
«Biz qurylys josparymen tanystyq. Aýrýhana aýmaǵy tolyǵymen qorshalady. Qorǵanǵa deıingi shekaralyq aımaq 150 metr qashyqtyqta ornalasqan. Qorǵandardyń kúzet aımaǵy bólek bolady. Aıta ketý kerek, aýrýhana qurylysy qorǵandarǵa eshqandaı qaýip tóndirmeıdi», - dedi Arnabaı Nurjanov.
Máseleni sheshý jáne qurylys alańyn baqylaý barysynda Almaty qalasy ákiminiń orynbasary Erjan Babaqumarovpen qorǵan kesheniniń rekreasııalyq jospary jasaý qajettiligi alǵa tartyldy. Sonymen qatar Almaty aýmaǵynda ornalasqan Qorǵandyq keshenderdi odan ári damytý keńesin qurý usynyldy. Onyń quramyna arheologtar men tarıhshylar qatarynan sarapshylar kiretin bolady.
