ALTYNNAN ALQA TAQQAN

ÚZDIKTER BÁSEKEGE QABILETTILIKTERIN DÁLELDEDI “Bilim – ınemen qudyq qazǵandaı” degen. Jastardyń osy baǵa jetkisiz asyl qun­dylyqqa degen ynta-yqylasy jalpy bilim beretin pánder boıynsha ótken olımpıadada jańa qyrynan tanyldy. Oǵan aýdandyq, qalalyq osyndaı synnan ótken 518 shákirt qatysyp, baq synady. Oblystyq olımpıada Tal­dyqorǵan qalasynda alǵash ret uıymdastyryldy. Buryn Al­maty qalasyndaǵy oblystyq ın­ternatta ótkiziletinin eskersek, sha­l­ǵaı aýyldan kelgen jas jet­kinshekterdiń shahardyń búgingi mádenı jáne rýhanı damýymen jan-jaqty tanysýyna múmkindik týǵyzylǵany da quptarlyq. О́tken jyly óńirdiń daryn­dy túlekteri respýblıka deń­geıinde “Eń úzdik olımpıadalyq komanda” ataǵyna ıe bolyp, elimizdiń namysyn halyqaralyq olımpıadalarda joǵary ustap, 96 medalǵa qol jetkizgen-di. Osy oraıda olarǵa bilim bergen ustazdardyń eńbegi eren deýge bolady. – Kóbine jurtshylyq munaı men gazdy baılyq deıdi. Jas­tardyń bilimdiliginen ótken baılyq joq ekenin ýaqyt dá­leldeýde. Jastar – qoǵamnyń qoz­ǵaýshy kúshi, elimizdiń da­mýyna, qalyptasýyna, gúlde­nýine qosatyn úlesteri úlken. Bilim saıysyna úmit artar ulan­dar qatysýda. Jastardyń aldaǵy joly ashyq bolsyn, degen ti­legin qazylar alqasynyń mú­shesi, dosent S.Qojaǵulov ortaǵa saldy. Olımpıadaǵa túlekterdi qa­tystyrýda Taldyqorǵan qalasy alǵashqy orynda bolyp, 118 oqý­shy bilimderin synasa, qapsha­ǵaılyqtar 51 shákirtin shyńdap, úmitterin úkilepti. Al Alakól aýdany, Taldyqorǵan qazaq-túrik, №20 úsh tilde oqytylatyn daryndy balalarǵa arnalǵan, Almaty qazaq-túrik qyz balalar, Esik qazaq-túrik lıseıleri men J.Smaǵulov atyndaǵy oblystyq mektep-ınternatty erekshe ataýǵa bolady. “Daryn” aýysym mektebinen saıysqa qatysqan 60 oqýshy tereń bilimderin naqty­lady. Al, Dánesh Raqyshev atyndaǵy №3 mektep-ınternat qabyrǵasynda ótken básekede 15 pán boıynsha baq synaǵan shákirtter bilimderin ortaǵa sal­sa, qazylar quramynda jetekshi ýnıversıtetterdiń ǵalymdary men oqytýshylary bolǵany da talap pen talǵamnyń joǵary ekendigin kórsetti. Baıqaýda memlekettik tilge degen qyzyǵýshylyǵymen tanyl­ǵan ózge ult balalarynyń qa­bi­let-qarymy da joǵary. Má­se­len, Qaratal aýdanyndaǵy Kemel Toqaev atyndaǵy mektep pen Esik qalasynan kelgen shákirt­terdiń tildi bilýge degen peıilderi erekshe boldy. Shákirtter ult qun­dylyǵy maqal-máteldi tal­dap, memlekettik tilde ózderiniń oıyn erkin jetkizýimen erekshe­lendi. Birinen biri asyp túsken­der Abaıdyń, Jambyldyń, Ilııas­tyń, Muqaǵalı syndy jyr dúldúlderiniń óleńderin máner­lep, jatqa oqyp, básekeden súrinbedi. Árıne, júzden júırik shyqqandarmen qatar daıyndyǵy jetkiliksizderi de kezdesti. Deı­tursaq ta, olımpıadada oqýshy­lardyń qazaq tilin bilýge, erkin sóıleýge degen talaptaryn qa­zylar da erekshe baǵalady. Bilimi men biligi daralanǵan olımpıada jeńimpazdary 45 al­tyn, 90 kúmis, 135 qola medaldy enshilegen shákirtter ustazdary men altyn uıa mektepteriniń aby­roıyn asyrdy. Osy jeńimpaz oqý­shylarǵa “Úzdik olımpıada­lyq komanda – 2010” ataǵy berildi. Olımpıadaǵa sý tasqynyn basynan ótkergen Qyzylaǵash aýylynan eki oqýshy qatysty. Olar 9 synyp oqýshylary Ma­lıka Tushparova men Damır Anıtov edi. Tarıh páninen bilim deńgeıin synaǵan Malıka júl­deli orynǵa qol jetkizip, qur­bylarynyń qýanyshyna bólendi. Bilim saıysynda baq synap, júldeli oryndardan tanylǵan jeńimpazdardyń jumystary res­pýblıkalyq “Daryn” ortaly­ǵyna jiberilse, olardan oblys­tyq komanda qurylyp, respýb­lıkalyq pán olımpıadasynda olar Jetisýdyń namysyn qorǵaıtyn boldy. Taǵy bir qýanyshty jaıt, aǵymdaǵy jyldyń shilde aıynda Astanada ashylatyn jańa ýnı­ver­sıtetke stýdentterdi qabyldaý barysymen oqý ornynan arnaıy kelgen ókilder tanystyrdy. El­diń bolashaq elıtasyn qalyptas­tyrýdy maqsat etken Memleket basshysy Nursultan Nazarbaev­tyń tapsyrmasymen halyq­aralyq deńgeıdegi alǵashqy ýnıver­sı­tetke tek úzdik bilim deńgeıin dáleldegen oqýshylar qabyl­danatynyn eskersek, olardyń qataryn búgingi top jarǵan túlekter tolyqtyratyny daýsyz. Altynnan alqa taqqan úz­dikter ózderiniń osy ýnıversıtet stýdenti bolýǵa yntaly ekendik­terin dáleldep, qandaı synaq­tardan ótý qajettigimen jete tanysyp jatty. Kúmisjan BAIJAN. Almaty oblysy.