«Atyraý oblysynyń bas sanıtarlyq dárigeriniń qaýlysyna sáıkes, karantın kezinde jumys jasaýǵa ruqsat etilgen kásiporyndar personaldy alyp júrýdi tek qyzmettik kólikpen qamtamasyz etýi tıis. Jeke avtokólikti paıdalanýǵa qatań tyıym salyndy. Mudaı shekteý azyq-túlik dúkenderine taýar tasymaldaýmen, dárihanalar jelisine dári men medısınalyq ónimder, qoǵamdyq tamaqtaný oryndarynan onlaın jetkizýge paıdalanylatyn kólikterge qoldanylmaıdy», -dedi oblys ákiminiń birinshi orynbasary Serik Shapkenov.
Onyń aıtýynsha, avtokóliktiń júrgizýshisi ózimen birge uıymmen aradaǵy kelisim-shart pen anyqtama, jetkizý meken-jaıy, jeke kýáligi, taýar tasýǵa ruqsatyn rastaıtyn basqa da qujattardy alyp júrýi tıis.
«Eger bári óziniń kóligimen júretin bolsa, karantın engizýdiń máni bolmaıdy. Erteń, 17 sáýirden bastap karantındik rejım kúsheıedi. Atyraý qalasynyń tynys-tirshiligin qamtamasyz etetin mekemelerden basqa kásiporyndar tolyq oqshaýlanady», - dedi Serik Shapkenov.
Joldasbek Kósherbaıuly
