Bul týraly búgin Mınıstrler kabınetiniń bas hatshysy Iosıhıde Sýga baspasóz máslıhatynda jýrnalısterdiń suraqtaryna jaýap berý kezinde aıtqan. Jýrnalıster bas hatshydan jańa tıptegi koronavırýstyń saldarynan ekonomıkalyq problemalar oryn alyp jatqanda, mınıstrler óz tabystarymen bólisýi múmkin be degen suraǵanda, ol bylaı jaýap bergen: «Premer-mınıstr óz jalaqysy men syıaqysynyń 30 paıyzyn áne-mine bıýdjetke qaıtarǵaly otyr. Mınıstrler kabıneti 20 paıyz tabystaryn qaıtarady. Men parlament depýtattary da osy máseleni talqylap jatyr dep estidim»
Japonııa Premer-mınıstriniń aılyq jalaqysy 30,5 myń dollar. Al, mınıstrlerdiń aılyǵy 22,7 myń dollar. Jalpy, Japonııada bundaı oqıǵalar qalypty jaǵdaı bop esepteledi. О́z aılyq jalaqylarynyń belgili bir bólshegin halyqtyń qamy úshin qazynaǵa qaıtarý olarda 2011 jyldan bastalǵan.
