Bul derekterdi tarıh ǵylymdarynyń kandıdaty, arheolog Marat Tuıaqbaev «Túrkistan ólkesindegi arheologııalyq zertteýler» taqyrybyndaǵy tarıhı sholýynda málim etti. Mádenıet jáne sport mınıstrliginiń «Áziret Sultan» memlekettik tarıhı-mádenı qoryq-mýzeıi tikeleı kórsetilimde ótkizgen alǵashqy onlaın kezdesýde qoryq-mýzeıdiń ǵylymı qyzmetkeri Marat Qymyzuly Túrkistan qalasyn zertteý, arheologııalyq qazba jumystaryn júrgizý aıasynda anyqtalǵan tarıhı derekter, qazba jumysynyń mańyzy jóninde áńgimelep, kórermen saýalyna jaýap berdi.
«Áziret Sultan» memlekettik tarıhı-mádenı qoryq-mýzeıiniń baspasóz qyzmeti habarlaǵandaı, qoryq-mýzeıdiń feısbýk paraqshasynda ótetin onlaın dárister men sholýlarǵa Túrkistan tarıhyna qatysty zertteýler júrgizgen elimizge belgili ǵalymdar men tarıhshylar, arheologtar, tarıhı jádigerlerdi kútip-baptaý isindegi tájirıbeli mamandar qatysatyn bolady. Sondaı-aq, tarıhı jádigerlerdi saqtaý, qorǵaý jáne qalpyna keltirý jumystary boıynsha halyqaralyq ǵylymı-zertteý zerthanasynyń mamandarymen de sheberlik sabaqtary uıymdastyrylmaq.
Tarıhı oryndar men jádigerler jaıly onlaın ekskýrsııa jasaý, oqyrmandarmen tikeleı efır arqyly baılanysqa shyǵý da qoryq-mýzeı qyzmetkerleri tótenshe jaǵdaı kezinde qolǵa alǵan ıgi isterdiń biri.
Túrkistan oblysy
