28 naýryzda Úkimet basshysy Asqar Mamınniń qatysýymen Qostanaıda otandyq «Chevrolet» kólikteriniń birneshe úlgisin shyǵaratyn jańa óndiris iske qosylǵan bolatyn. Olardyń ishinde, ásirese shaǵyn jáne orta bızneske arnalǵan «Labo» kommersııalyq avtokóligi kópshilik qyzyǵýshylyǵyn oıatyp otyr. Bul avtokólik otandyq naryqta eń ótimdi ári eń arzan kólik retinde tanylyp úlgergen. «SaryarqaAvtoProm» seriktestiginiń baspasóz qyzmetiniń málimetinshe, kompanııa eldegi jaǵdaıdy eskerip, «Labo» kólikterine kóshelerdi dezınfeksııalaý jáne zalalsyzdandyrý júıesi bar qurylǵy ornatý týraly sheshimge toqtaǵan.
Kóshe zalalsyzdandyratyn otandyq kóliktiń kólemi shaǵyn ǵana, tipti saıabaqtyń ishindegi tar jolǵa da erkin kirip júre beredi. Sóıte tura, 560 kıloǵa deıin júk kótere alady. Sanıtar kóliktiń arqasynda 500 lıtrlik qutysy bar. Onysyn bir toltyrǵanda 5-10 gektar aýmaqty zalalsyzdandyra alady.
Kóliktiń eni 5 metr aýqymdy qamtıtyn shashqyshy avtobýs aıaldamalary men kóshedegi demalys oryndyqtaryna deıin dárileı alady. Otandyq sanıtar kólik búginde Qaraǵandy, Aqmola oblystary men Almaty kóshelerin dezınfeksııalap júr.
Qostanaı oblysy
