Qorǵanys salasy qosymsha sharalar qabyldaıdy

Jekelegen óńirlerdiń bas­shy­­lary qabyldaǵan shekteý sha­ra­lary jaǵdaıynda Qazaq­stan­­nyń 19 qalasynda áskerı qyzmetshiler blok-beketterdi kúsheıtý jáne patrýldik qyz­me­tin atqarady. Úsh apta ishinde qoǵamdyq tártipti buzýdyń 270 faktisi tirkelip, áskerı qyz­­metshilerdiń tikeleı qaty­sýy­men blok-beketten ótkizý tártibin buzýdyń 270 faktisi anyqtaldy. Blok-beketterde 27 tártip buzýshylyq jaqyn mańdaǵy aýmaqtardy baqylaýǵa múmkindik beretin ushqyshsyz ushaqtar tarapynan anyqtaldy.

Kún saıyn blok-be­ket­terde kezekshilik etetin myń­da­ǵan ás­ke­rı qyzmetshi óz den­saý­ly­ǵyna qaýip tóndire otyra patrýlge shyǵyp, dezınfeksııa júrgizedi. Sonymen qatar qyzmette tu­raq­ty jaýyngerlik daıarlyq bó­limsheleri bar. Qorǵanys mı­nı­stri Nurlan Ermekbaev atap ótkendeı, barlyq jeke qu­ramnyń densaýlyǵyn saqtaý ma­ńyzdy.

Osy maqsatta blok-beket­ter­de, patrýl toptarynda jáne arnaıy óńdeý jasaqtarynda áskerı dárigerler kún saıyn medısınalyq tekserý júrgizedi. Áskerı qyzmetshilerdiń den­saý­­lyq jaǵdaıyna baqylaý júr­gizý jáne aýrý belgileri ne­­mese naýqastarmen baılanysy anyqtalǵan jaǵdaıda ka­rantındik sharalardy ýaq­ty­ly qabyldaý boıynsha pro­fı­lak­tı­kalyq jumystar júzege asyry­lady.

Áskerı bólimder men meke­me­lerdiń baqylaý-ótkizý beket­terinde termometrııasy bar jáne antıseptıktermen óń­del­gen me­dısınalyq súzgiler orna­las­tyrylǵan. Barlyq ás­kerı bó­lim­der qosymsha dári­lik preparattarmen, dezınfek­sııa­lyq quraldarmen, medı­sı­nalyq mas­kalarmen jáne qol­ǵap­tarmen qamtamasyz etilgen.

Sonymen qatar Qarýly Kúsh­­ter obektilerinde pro­fı­laktıkalyq jáne sanı­tar­­lyq-epıdemııaǵa qarsy is-sharalar jalǵasýda. Asha­na­lar­dy, táý­lik­tik kezekshilikte qyz­met atqa­­rý oryndaryn, blok-beket­te­ri­niń aýmaqtary men áske­rı qala­shyq­tar­dy dezın­fek­sııa­laý­ǵa erekshe kó­ńil bólinedi.

Baılanysty shekteý úshin áskerı basqarý organdary jeke quramynyń shamamen 30%-y aýysym rejimderine aýys­tyrylǵan. Sheshiletin min­det­ter­diń ereksheligin eskere otyryp, jeke quramnyń taǵy da 30%-y úıde ózin ózi oqshaýlaý rejimin saqtaı otyryp kezekti demalysqa jiberildi. Sondaı-aq Qaraǵandy, Taldyqorǵan, Úsharal áskerı-medısınalyq mekemeleri halyqty qa­byl­dap, Densaýlyq saqtaý mınıs­trli­gi­ne kómek berýge daıyn.

Qazaqstan Áskerı áýe kúsh­te­riniń áskerı-kóliktik avıa­sııasy Qytaıdan Nur-Sultan qalasyna qytaılyq dárigerler men gýmanıtarlyq kómekti jet­ki­zdi.

Qaraǵandy qalasy ákim­di­gi­niń ótinishi boıynsha 17 áskerı medısına mamany pandemııaǵa qar­sy kúreste kómektesip ja­tyr. Koronavırýsty emdeýde tájirıbesi bar qytaı­lyq dá­ri­gerler áskerı-me­dı­sı­na­lyq qyzmettiń daıarlyǵy týraly kon­ferensııa ótkizdi. Oǵan áske­rı dárigerler de qatysty.

Qorǵanys vedomstvosynyń basshysy Tótenshe jaǵdaıda jáne karantın rejimin qam­ta­masyz etý jónindegi is-shara­lar­men qatar, áskerı tehnıkany paı­dalanýdyń jazǵy rejimine kó­shirýdi qamtamasyz etýdi, osy­­ǵan baılanysty barlyq sharany qabyldaýdy tapsyrdy. Bel­gi­lengen talaptarǵa sáıkes barlyq áskerı polıgondardyń aýmaq­taryn jappaı tazartý uıymdastyrylady.