Zań talaptary saqtalýy tıis

Hattyń mazmuny Qazaqstan Úkimetiniń 2020 jylǵy 3 sáýir­degi Densaýlyq saqtaý mınıstr­li­giniń usynysy boıynsha Nur-Sultan, Almaty jáne Shymkent qalalarynda jyldam turǵyzylatyn ınfeksııalyq úsh aýrýhana salý týraly sheshimine baılanysty bolyp otyr. Naqty aıtqanda, Almaty qalasynda «BI Group» kompanııasy kirisken jańa aýrýhana ǵımaratynyń qurylysyna qatysty. Birinshiden, qurylysy tez aıaqtalatyn bul aýrýhanalardyń jobalaý-smetalyq qujattary men kelisimsharttary áli jasalmaǵan. Ekin­shiden, atalǵan aýrýhana Alma­tydaǵy tarıhı máni zor «Saq qor­ǵandary» aýmaǵynda salynatyny qoǵamdyq jurtshylyqty da, Se­nat depýtattaryn da qatty alań­datatyny aıtylǵan.

Onyń ústine «Saq qorǵandary» – Almaty qalasy ákimdiginiń 2010 jylǵy 10 qarashadaǵy №4/840 qaýlysy boıynsha tarıhı eskert­kishter tizimine engizilgen. Sondaı-aq áleýmettik jelide aýrýhananyń  ejelgi temir dáýiriniń ǵajaıyp mu­rasy sanalatyn aýmaqta saly­natyny týraly dabyl qaqqan materıaldar jarııalandy.

Kıeli jerde oryn tepken aýrýhana qurylysyna baılanys­ty tarıh ǵylymdarynyń kandıdaty Nurlan Atyǵaev óz oıyn bildirdi. «Aýrýhanaǵa jer telimin bólý­diń aldynda jer qatynas­tary basqarmasy ol tusta arheo­lo­gııa­lyq nysandardyń bar-joǵyn anyq­tap, tıisti aqparat berýi kerek bolatyn. Sodan keıin baryp ǵıma­rat qurylysyn Mádenıet basqar­masy­men kelisip baryp bastaý qajet edi», dedi ol.

Osyǵan oraı, Senat depýtattary Qazaqstan Respýblıkasynyń Úkimet basshysy men Almaty qalasynyń ákiminen Almaty qalasyndaǵy je­del turǵyzylatyn aýrýhana qury­lysynyń zań talaptaryna sáıkes júrgizilýi kerektigin suraıdy.

Senatorlar sonymen qatar Arheologııa ınstıtýtynyń qory­tyn­dysyn alýdy, qajet bolǵan jaǵ­daıda «BI Group» kompa­nııa­­synyń tarıhı eskertkishter or­na­­lasqan aýmaqta qurylys
sa­l­ýyn toqtatýdy, bul úshin basqa jer te­limin, ne basqa da joldaryn iz­deý ker­ektigin aıtyp otyr.