Áleýmettik tólem kelesi azamattar sanatyna taǵaıyndalady:
Jalaqysy saqtalmaı demalysqa shyqqan shaǵyn jáne orta kásipkerlik sýbektileriniń qyzmetkerlerine, jeke kásipkerlerge;
Karantın engizilgen eldi mekenderde qyzmetin júzege asyratyn iri kásipkerlik sýbektileriniń jalaqysy saqtalmaıtyn demalystaǵy qyzmetkerlerine;
Memlekettik mekemelerdi qospaǵanda, kommersııalyq emes zańdy tulǵalardyń jalaqysy saqtalmaıtyn demalystaǵy qyzmetkerlerine;
Jeke tájirıbemen aınalysatyn tulǵalarǵa (notarıýstar, jeke sot oryndaýshylary, advokattar, kásibı medıatorlar);
QR Salyq kodeksiniń 774 babyna sáıkes, Biryńǵaı jıyntyq tólem tóleýshiler bolyp tabylatyn jeke tulǵalarǵa;
Nysanasy jumystardy oryndaý (qyzmetter kórsetý) bolyp tabylatyn azamattyq-quqyqtyq sıpattaǵy sharttar boıynsha tabys tabatyn, salyq agentteri olar úshin mindetti zeınetaqy jarnalaryn aýdarǵan adamdarǵa júzege asyrylady.
1-shi jáne 2-tarmaqshalar ulttyq basqarý holdıngteriniń, ulttyq holdıngter men ulttyq kompanııalardyń qyzmetkerlerine qatysty emes.
Áleýmettik tólemdi ala almaıdy:
TJ engizilgenge deıin Mindetti áleýmettik saqtandyrý júıesine qatyspaǵan azamattar (olar úshin jumys berýshiler nemese ózi úshin JK aýdarym jasamaǵan);
Mindetti áleýmettik saqtandyrý júıesine qatyspaǵan BJT tóleýshiler (resmı túrde ózin jumyspen qamtýshy azamattar TJ engizilgenge deıin tóleý kerek bolsa, beıresmı túrde ózin jumyspen qamtýshy azamattar áleýmettik tólemge ótinim berer aldynda BJT tóleý kerek);
AQS sharttary boıynsha tabys alatyn, biraq TJ engizilgenge deıin zeınetaqy jarnasyn jasamaǵan jeke tulǵalar;
Eki jumys ornynda jumys istegen azamattar, sonyń ishinde kásipkerlikpen aınalysatyn azamattar, eger olar bir jumys ornynda bolsyn qashyqtan jumys isteýdi jalǵastyrsa;
TJ engizilgennen keıin BJT alǵash tólegen azamattar, eger olar zeınetaqy men memlekettik járdemaqylardy alatyn bolsa;
Basqa elge turaqty turýǵa kóshýge baılanysty tirkeýden shyǵarylǵan adamdar.
