«Qala turǵyndarynyń qaýipsizdigin qamtamasyz etý úshin Shymkentte dezınfeksııalyq týnnelder ornatyla bastady. Mundaı qondyrǵy Qazybek (Dýlatı kóshesi boıyndaǵy) azyq-túlik bazarynyń kire berisine ornatyldy. Jaqyn kúnderi dezınfeksııalyq tonnelder «Akbar», «Jabyq bazar» sekildi iri saýda oryndaryna da qoıylatyn bolady. Osy rette barlyq kásipkerlerdi satyp alýshylardyń qaýipsizdigin qamtamasyz etý maqsatynda óz nysandarynda osyndaı zalalsyzdandyrý qondyrǵylaryn ornatýǵa shaqyramyn. Bul turǵyndar arasynda qaýipti indettiń taralýynyń aldyn alýdaǵy sharalardyń biri. Al qala turǵyndaryn asa qajettiliksiz úıden shyqpaýǵa shaqyramyn. О́zin-ózi oqshaýlaý rejımin buzý arqyly siz tek ózińizge ǵana emes, jaqyndaryńyzǵa da qaýip tóndiretinińizdi umytpańyz» dep jazdy qala ákimi.
