Alaıda, Jambyl oblysy ákiminiń birinshi orynbasary Bekbolat Orynbekov búginnen, ıańnı 17 sáýirden bastap karantın rejımi kúsheıtile túsetinin habarlady.
«О́ıtkeni, elimizdiń eń birinshi baılyǵy – adam, onyń densaýlyǵy desek, qazirgi jaǵdaıda biz azamattarymyzdy aman-esen saqtap qalý úshin qatań sharalarǵa barýymyzǵa týra kelip tur. Bul sharalardyń barlyǵy, aınalyp kelgende turǵyndar ıgiligi úshin jasalyp jatqan is ekenin jete túsinseńizder deımiz», dedi ol.
Búginnen bastap Taraz qalasynyń ishindegi qoǵamdyq kólikter tolyqtaı toqtatyldy. Karantınge deıin qala ishinde 43 baǵyt boıynsha 442 avtobýs júrip turǵan bolsa, karantın engizilgen soń onyń sany aıtarlyqtaı qysqartylǵan. Alaıda, Bekbolat Orynbekov qala ishinde júrip-turatyn azamattardyń áli de azaımaı turǵanyn aıtty. Sonymen qatar, jeńil avtokólikterdiń de júrýine tyıym salynyp otyr. Kúni búginge deıin túrli anyqtamalarmen júrip kelgen avtokólikterge búginnen bastap shekteý qoıyldy.
Al «Sergek» bazasyna engizilgen, ıaǵnı blok-beketterdegi tekserý alańdaryndaǵy arnaıy planshetterge engizilgen 14 myńnan asa azamattyń tizimi de qaıta tazartylady.
Jambyl oblysy
