Aıta ketý kerek, Qaraǵandy oblysy elimizde alǵashqy bolyp bul ıgi isti júzege asyra bastady. Jalpy, atalǵan maqsatqa dep bólingen materıaldyq kómektiń jıyntyq somasy 757,4 mln teńgeni quraıdy.
Qazirgi tańda Qaraǵandy oblysynda Uly Otan soǵysynyń 67 ardageri men múgedegi turady. Joǵaryda aıtylǵan bir rettik materıaldyq kómek olardyń jeke esep shottaryna aýdaryldy, keıbiriniń úılerine jetkizildi.
Budan bólek, oblysta turatyn, Uly Otan soǵysy ardagerlerine teńestirilgen 101 adamǵa, ıaǵnı, konslagerlerdiń kámeletke tolmaǵan tutqyndaryna, qorshaýdaǵy Lenıngrad turǵyndary men maıdannyń erikti eńbekkerlerine de 200 myń teńgeden bólindi.
Materıaldyq qoldaý UOS jyldary qaıtys bolǵan ardagerler men tyl eńbekkerleri otbasylaryna da kórsetilip, osy sanattaǵy 8778 adam 50 myń teńgeden aldy.
Aýǵanstanda urys qımyldaryna qatysqan 596 jaýynger-ınternasıonalıst, Chernobyl AES apatyn joıýshy 598 adam da nazardan tys qalmady. Olardyń árqaısyna 100 myń teńgeden tólendi. Sonymen qatar, bıylǵy jyldyń aqpan aıynda Aýǵanstan Demokratııalyq Respýblıkasynan keńes kontıngentiniń shyǵarylýynyń 31 jyldyǵy atalyp ótkende, Qaraǵandy oblysynyń birqatar qalalary men aýdandarynda atalǵan jaýyngerlik is-qımyldarǵa qatysqandarǵa 100 myń teńgeden bólingen bolatyn. Bul qarajatty 902 adam aldy.
Qaraǵandy oblysy
