Qoldaý kórsetilgen jobalardy iske asyrý shamamen bir myń jumys ornyn qurýǵa múmkindik beredi. Keńeste qurylys materıaldary zaýytynyń, «Magnum Cash&Carry» JShS gıpermarketiniń qurylysy, sondaı-aq bilim berý salasyndaǵy birqatar joba tanystyryldy. Elorda ákimi Altaı Kólginov ınvestorlardy qoldaýǵa tıisti kóńil bólý qajettigin atap ótti.
«Karantın tártibine sáıkes biz onlaın-kezdesýlerge kóshtik. El ekonomıkasyn odan ári damytý úshin jańa jumys oryndaryn qurý mańyzdy. Investısııalardy tartý jónindegi tapsyrmalardy júzege asyrý úshin qolaıly jaǵdaı jasaımyz jáne ınvestısııalyq klımatty jaqsartý úshin jumys isteımiz. Búgin gıpermarket salý jobasy qoldaý tapty. Magným 16 áleýmettik mańyzy bar azyq-túlik baǵasyn birqalypty ustap turý boıynsha qala ákimdigimen yntymaqtasty. Basqa saýda oryndarymen birge «aınalym shemasy» jobasyna qatysyp jatyr. Qala men turǵyndar úshin qajetti jobalardy qoldaımyz», - dedi elorda ákimi Altaı Kólginov.
