Osy máseleni sheshý úshin mınıstrlik arnaıy tehnıkalar (kompıýter, planshet, noýtbýk) satyp alýdy qolǵa alǵan. Buǵan deıin mınıstrlik tarapynan 80 myńǵa jýyq tehnıka satyp alynatyny aıtylǵan edi. Mine, sol jumystardyń alǵashqy legi oryndalyp, ıaǵnı 11 myń tehnıka alyndy.
Esterińizge sala keteıik, buǵan deıin Bilim jáne ǵylym mınıstri Ashat Aımaǵambetov:
– Satyp alynatyn tehnıka tek qana kompıýter emes, bul qashyqtan bilim alýǵa kómektesetin kez kelgen qurylǵy bolýy múmkin. Sebebi elimizde kompıýter tolyǵymen jetedi dep aıta almaımyz. Sondyqtan jetpegen jaǵdaıda basqa da qurylǵylardy alamyz. Qazirgi tańda 80 myńǵa jýyq tehnıka satyp alýdy josparlap otyrmyz. Árıne, tek oqýshylarda emes, muǵalimderimizde de tehnıka tapshylyǵy bar. Sol sebepti pedagogtardy tıisti qural-jabdyqtarmen qamtamasyz etý máseleleri sheshilip jatyr, – degen bolatyn.
