Búgingi tańda oblystyń jergilikti atqarýshy organdary qyzmetshileriniń 70 prosenti qashyqtyqtan jumysqa aýystyryldy. Qyzmetkerlerdiń úıde kedergisiz jáne tıimdi jumys isteýi úshin barlyq qajetti jaǵdaılar jasalǵan. Árbir qyzmetshini qajetti aqparattyq júıelerge qashyqtyqtan qosý úshin tehnıkalyq múmkindikter qamtamasyz etilgen. Qashyqtyqtan jumys isteıtin qyzmetshilerdiń eńbegine aqy tóleý eńbek zańnamasymen retteledi jáne tolyq kólemde júzege asyrylatyn bolady.
Engizilgen tótenshe jaǵdaıda memlekettik qyzmetterdi onlaın túrinde elektrondy formatta alýǵa suranys kóbeıdi. Qysqa merzim ishinde egov.kz portaly arqyly elektrondy-sıfrlyq qoltańbany alý múmkindigi, Telegram-Bot arqyly járdemaqy alýǵa ótinim rásimdeý jáne basqa da qyzmetter engizildi.
Atalǵan ózgerister eń aldymen azamattardyń qaýipsizdigin qamtamasyz etýge baǵyttalǵan, sonymen qatar bul memlekettik apparat jumysynyń formatyn ózgertýge, memlekettik qyzmetshilerdiń kásibı utqyrlyǵy men básekege qabilettiligin arttyrýǵa múmkindik berip otyr.
