Al, óńirdegi ERG kompanııasyna–qarasty kásiporyndar jumystaryn jalǵastyrýda.
Sondyqtan, jumysshy-qyzmetkerlerdi jumysqa jetkizý úshin kompanııa qaladaǵy tasymaldaýshylardyń kólikterin jalǵa aldy.
Bul másele eki jaqqa da tıimdi: Qoǵamdyq kólik júrgizýshileri úıde jumyssyz otyrmaıdy. Zaýyt jumysshylary jumystarynan qalmaıdy.
Kásiporyndar ákimshiliginiń málimetinshe, avtobýstar «Qazaqstan Alıýmınıı zaýyty» AQ,Aqsý ferroqorytpa zaýyty (AFZ) jáne «Eýroazıattyq energetıkalyq korporasııasy» AQ (EEK) jumysshy-qyzmetkerlerin jumys oryndaryna jetkizýde.
Sóıtip, Eurasian Resources Group (ERG) karantın merziminde jumysshy- qyzmetkerlerin tegin kólikpen qamtamasyz etýde.
Kún saıyn 39 avtobýs jolǵa shyǵyp, jalpy sany 93 reıs jasaýda.
Mysaly, Aqsý ferroqorytpa zaýyty qaladaǵy tasymaldaýshylardan 22 avtobýsty jalǵa alǵan. Negizgi jeti baǵyt boıynsha olardyń turaqty qozǵalysy qamtamasyz etildi.
Beseýi qaladaǵy qyzmetkerlerdi, qalǵan ekeýi Aqsý, Cheremýshkı, Belovkada turatyn jumysshylardy jumysna ákep, keshke úılerine jetkizedi.
Ár aýysym saıyn bir avtobýs burynǵy úsh reıstiń ornyna qazir 4-5 ret qatynaıdy.
«EEK» AQ jumysshy-qyzmetkerlerin tasymaldaýǵa árqaısysy 50 jolaýshyǵa shaqtalǵan 8 avtobýs jaldandy.
Avtobýstar ár sapardan soń tazartylyp, óńdeledi.
ERG kásiporyndaryndaǵy baqylaý ótkizý qosyndarynda (BО́Q) aǵyndy teplovızorlar ornatylyp,arnaıy bólmeler jabdyqtalǵan.
Ǵımarattarda ár eki saǵat saıyn ylǵaldy tazartý jumystary júrgizilýde. Barlyq jerge qoldy tazartýǵa arnalǵan antıseptık quıylǵan sanıtaızerler ornatylǵan.
–ERG-diń ár qyzmetkeri, ár jumysshysy – biz úshin basty qundylyq, – dedi Eýrazııalyq Toptyń basqarma tóraǵasy Serik Shahajanov. – Sondyqtan, qyzmetkerlerdiń aman-saýlyǵyn qamtamasyz etýdemiz. Sondaı-aq, Top kásiporyndary qalypty tártipte jumys istep, mindettemelerimizdi oryndaý jolynda eńbek etýdemiz.
Al, karantın aıaqtalǵan soń qalalyq kólik qozǵalysy qaıta qosylǵanda, jumysshy-qyzmetkerlerdi tegin jetkizý toqtatylady.
Pavlodar oblysy
