Volonterlardyń kómegi dál osy kezde aýadaı qajet. О́ıtkeni, karantın kezeńinde ásirese halyqtyń áleýmettik osal toptary kómek zárý.
–Elimizde karantın men tótenshe jaǵdaı rejımi engizilgen kúnnen bastap «Iа almaatınes» birlestiginiń belsendileri «Kto eslı ne ıa?» atty aksııany qolǵa aldy. Bul shara osyndaı qıyn kezeńde jalǵyzbasty qart adamdardy qoldaýǵa baǵyttalǵan. Bizde bul aksııadan qalys qalmadyq. Azyq-túlik jınaýmen jáne tasymaldaýmen aınalysamyz. Qarııalarymyz úıden shyqpasa eken deımiz,– deıdi «Lider.kz» volonterlyq qozǵalysynyń úılestirýshisi Olesıa Baımova.
Volonterlar jalǵyz basty qart adamdar úshin shuǵyl baılanys nómirleriniń tizimin daıyndady.Kómek qajet bolǵan jaǵdaıda, kez-kelgen ýaqytta habarlasýǵa bolady. Nur-sultan, Almaty, Kókshetaý, Shýchınsk jáne Stepnogorsk qalalarynyń belsendileri muqtaj jandarǵa kómek kórsetýde.
–Aqmola oblysynda birneshe iri qalalar kiretin shtab quryldy. Oǵan Kókshetaý, Shýchınsk, Atbasarqalalary men Zerendi aýdany kiredi. Sondaı-aq, «Lıder.kz», «Dobroe serdse Kokshetaý», «Jıznennyı pýt», «Fenıks» volonterlyq qozǵalystary da bar. Qazirgi ýaqytta Shýchınsk qalasynda 50-ge jýyq qart adamǵa kómek kórsettik. Kókshetaý qalasynda da jumystar uıymdastyrdyq jáne aýdandarǵa bardyq,–deıdi «Lider.kz» volonterlyq qozǵalysynyń úılestirýshisi Olesıa Baımova.
Belsendiler qazaqstandyqtardy yntymaqtastyq pen shydamdylyq tanytýǵa, óz densaýlyǵymen qatar, aınalasyndaǵylar úshin de jaýapkershilikti sezinýge jáne kómektesýge shaqyrady.
