О́ńirde dárigerlerge ústeme taǵaıyndaý boıynsha arnaıy komıssııa da qurylǵan. Olar koronavırýs indetin juqtyrý qaýpi joǵary mamandardyń qosymsha tizimin ústemaqyǵa usyna alady. Medısına qyzmetkerlerine ústemaqy tek qana atqarylǵan jumys saǵatyna qaraı esepteledi.
Naýryz aıynda óńirdegi 12 densaýlyq saqtaý uıymynda qyzmet etetin 529 medısınalyq qyzmetkerge ústemaqy tólendi. Qazirgi ýaqytta jedel járdem qyzmetindegi mamandarǵa ústemaqy tóleý máselesi qarastyrylý ústinde. Medısınalyq mamandarǵa tólenetin ústemaqy Qazaqstan Respýblıkasynyń Densaýlyq saqtaý mınıstriniń buıryǵyna sáıkes júzege asyrylady. Bul jumys kestesi men hattamalarǵa sáıkes taǵaıyndalady.
–1 sanattaǵy táýekel tobynda 44 medısına mamanybar. Olar negizinen ınfeksııalyq bólimshede isteıtin qyzmetkerler. Tólenetin ústemaqynyń shekti mólsheri 527 myń 971 teńgeni quraıdy. Bul 80 saǵat jumys kólemine tıesili. Aqmola oblystyq týberkýlezge qarsy kúres dıspanseri ınfeksııalyq bólimshe qyzmetindegilerge eń tómengi tólem kórsetkishi 46 myń 698 teńge tıesili. Al, 2-shi sanattaǵy táýekel tobynda 237 medısına qyzmetkeri bar. Olarǵa tólenetin shekti tólem 344 myń 250 teńge. Eń tómengi kórsetkish retinde 8 myń 800 teńge ústemaqy tólendi. 3 jumys saǵaty úshin. Úshinshi táýekel tobyndaǵylarǵa 141 myń 667 teńge ústemaqy tólenedi. Eń tómengi ústemaqy 1 saǵattyq jumys kólemine 1 myń 476 teńge,–deıdi oblystyq densaýlyq saqtaý basqarmasy jetekshisiniń mindetin atqarýshy Súlen Ilııasov.
El densaýlyǵy úshin qaýip-qaterge basyn tigip, qajyrly eńbek etip jatqan dárigerlerdiń eńbegine saı ústemaqy alýy ábden quptarlyq jaı.
