Búgin 19 sáýir kúni Jambyl oblysynda koronavırýstyq ınfeksııanyń 2 jańa jaǵdaıy tirkeldi. Naýqastardyń biri Qordaı aýdanynda anyqtalǵan. Júrgizýshi bolyp jumys isteıtin Pavlodar turǵyny Qyrǵyzstannan Almatyǵa bara jatqan. Memlekettik shekarany kesip ótý kezinde, ıaǵnı «Qarasý» beketinde atalǵan azamattan qan taldaýy alynyp, ol koronavırýsqa oń nátıje kórsetken. Ekinshi oqıǵa Taraz qalasynda anyqtaldy. Qala turǵyny búginde JRVI dıagnozymen provızorlyq stasıonarǵa jatqyzylyp, zertteý nátıjesi ınfeksııanyń bar ekenin anyqtaǵan.
Jambyl oblysy ákimdiginiń málimetinshe, naýqastar búginde ınfeksııalyq stasıonarǵa ornalastyrylǵan. Olarmen baılanysta bolǵan tulǵalardyń aýrý juqtyrý qaýpin anyqtaý boıynsha jumystar jalǵasýda. Oshaqtarda epıdemııaǵa qarsy is-sharalar júrgizilgen. Búginde óńirde barlyǵy 60 jaǵdaı tirkelip otyr. Onyń ishinde Taraz qalasynda 10, Baızaq aýdanynda 3, Jambyl aýdanynda 4, Qordaı aýdanynda 33, Merki aýdanynda 2, Moıynqum jáne Shý aýdanynda bireýden anyqtalǵan. Al, Úndistannan kelgen «Delı-Taraz» reısiniń jolaýshylary arasynda 6 oqıǵa oryn alǵan. Sonymen qatar, búgingi, ıaǵnı 19 sáýirdegi jaǵdaı boıynsha óńirde 6 adam saýyǵyp, dárigerlerdiń baqylaýymen úı karantınine alyndy.
Jambyl oblysy
