-1940 jyldyń basy men 1950 jyldardyń sońynda qytaı bıligine narazylyq tanytyp, Altaı-Tarbaǵataıdan aýǵan qazaqtar Úndistandy betke alyp kóshedi. Kóshtiń aldy ataqty Gımalaı taýyna baryp tireledi. Artqy jaqtan ókshelep jaý qýyp kele jatyr. Júk artqan túıeler máńgi muzdaqtan taıyp júre almaı qalǵan eken, - dedi Ábekeń.
– Sol kezde, jıyrma-otyz jastyń arasyndaǵy birneshe jigit, qoılardy soıyp, som etin ash túıelerge jegizedi de, áldegen janýarlarǵa jas balalardy túgel otyrǵyzady. О́zderi kıizden jasalǵan buıymdardy (úzik-týyrlyq) muzǵa jaıyp jiberip, túıeler taıyp ketpes úshin adam sııarlyq oıyq jasap, soǵan deneleı kirip kıizden myqtap ustap jatady. Osylaı muzǵa tóselgen uzyn kıizdiń ústinen kósh aman-esen ótedi. Biraq túıeli kóshtiń tabanyna taptalǵan azamattar qyńq dep dybys shyǵarmaı jatqan jerlerinde jan tapsyrǵan eken. Qaıran erler kóshke kópir bolyp máńgi muzdaqta máńgilikke qalyp qoıdy, - dedi qarııa kózi jasaýrap.
Osylaı Gımalaıdan aman-esen asqan kósh Úndistanǵa ótip, aqyry Túrkııaǵa baryp turaqtady. Bul urpaqtan taraǵan qaýym qazir kúlli Eýropaǵa jaıyldy. Bári derlik qazaqtyń atyn shyǵaryp júr.
Burynǵy atalarymyz joǵaryda atap ótkenimizdeı urpaǵy úshin jandaryn qıǵan eken. О́ıtkeni, urpaq ómirdiń jalǵasy. Qazir árbir qazaqtyń sanasynda aqyn Sabyr Adaı aıtqan, «ár qazaq meniń jalǵyzym» deıtin janqııarlyq uǵym qalyptaspaıynsha eldiktiń tútini túzý ushpaıdy. О́kinishti jaǵdaı: elimiz boıynsha jyl saıyn myń san bala kózderi jáýteńdetip shekara asyp ketip jatyr. Nátıjesinde, qazir sheteldikterge satylǵan qazaqstandyq balalar sany jeti myńnan asqan kórinedi.
Bundaı keleńsizdiktiń beleń alýyna áýelgi sebep, urpaqqa degen baıyrǵy qazaqqy tanym-túsiniktiń buzylýy, ıaǵnı, ulttyq qundylyqtan ajyryp qalýymyz áser etip otyr. Atatanymǵa salyp baǵamdap kórsek, qazaq «jesirin qańǵyrtpaǵan, jetimin jylatpaǵan» jurt. Qadirli qaýym, esimizdi jıyp, etegimizdi qymtap, babalar dástúrine qaıta oralmasaq, mynadaı dúbara kúıde uzaqqa bara qoımasymyz anyq!
