«Kún saıyn bes júzge jýyq adamnan quralǵan 70 brıgada aýlalar men kireberisterdi zararsyzdandyrýǵa shyǵady. Kúnine 70 myń lıtr daıyn eritindi qoldanylady. Jalpy jumys bastalǵannan beri mıllıon lıtrdan astam daıyn eritindi jumsaldy. Negizgi basymdyq turǵyn úı keshenderine berilgen», dedi Almaty qalasy Turǵyn úı saıasaty basqarmasy basshysynyń orynbasary Meıirjan Otynshıev.
Búgingi tańda mamandar úsh mıllıon sharshy metrge jýyq kóshe men jarty mıllıon sharshy metr júrginshi joldaryn dezınfeksııalaǵan. Onyń ishinde aıaldamalar, kóshedegi qoqys jáshikteri men konteıner alańdary da nazardan tys qalmaıdy.
– 25 naýryzdan bastap qazirgi ýaqytqa deıin, bekitilgen kestege sáıkes, turǵyn úı qorynyń jalpy alańdaryn kún saıyn dezınfeksııalaý, sonyń ishinde irgeles jatqan aýlalardy óńdeý jumystary júrgizilip jatyr. Lıftiler, kireberister men esikter syndy turǵyndar kóp ustaıtyn jerler. Kún saıyn 1 dezınfeksııalaýshy, 5 brıgadır jáne 3 júrgizýshi jumyldyrylǵan, – deıdi Almaty qalasy Naýryzbaı aýdany kommýnaldyq sharýashylyq bóliminiń bas mamany Jandos Tákibaev.
