Keshe Sovid-19 dıagnozymen eki adam qaıtys boldy. Dúnıeden ótken bul eki adamnyń da densaýlyqtary asa aýyr halde bolǵan-tyn. Onyń bireýi 1958 jyly týǵan er adam. Pasıenttiń bul ınfeksııadan basqa jiti búlingen pankreatıti, aýyr dárejeli qan azdyq, arterıaldyq gıpertonııa syndy qosymsha aýrýlary bolǵan. Júrek qyzmeti toqtaý sebebinen kóz jumdy. Ekinshisi 1931 jyly týǵan áıel, ol sondaı-aq júrektiń ıshemııalyq aýrýy, arterııalyq gıpertenzııa, dıssırkýlıatorlyq ensefalopatııa sııaqty qosymsha dıagnozdarmen aýyr jaı-kúıde bolǵan.
Jalpy juqpaly aýrýlar stasıonarlarynda Almaty oblysynan naýqas áıeldi esepke ala otyryp, 436 adam koronavırýstyq ınfeksııadan emdelýde. Eki pasıenttiń jaı-kúıi – óte aýyr, 6-ýynda – aýyr, 138 adamda – aýyrlyqtyń ortasha dárejesinde jáne qalǵan adamdardyń jaı-kúıi – qanaǵattanarlyq. 84 pasıent koronavırýstyq ınfeksııadan saýyǵyp, emdeýden shyǵaryldy. Provızorlyq gospıtaldarda 294 adam, karantındik oqshaýlaýda 520 adam, úı karantıninde 9764 adam bar.
Almatyda búgingi kúni vırýs juqtyrǵandardyń rastalǵan 524 jaǵdaıy tirkelip otyr
