«О́kinishke qaraı, sońǵy 4-5 kún boıy 42500 teńge alǵandardy qylmystyq turǵydan jazalaıdy degen áńgime aıtylyp jatyr. Birde-bir adam 42500 teńgeni alǵany úshin, tipti, jibergen qatesi úshin qylmystyq jazaǵa tartylmaıdy. Oǵan negiz joq. Osyǵan núkte qoıaıyq», - dedi mınıstr Birjan Nurymbetov.
Sondaı-aq mınıstr eshkimdi teksermeıtinin atap ótti.
«Elimizde osy Tótenshe jaǵdaı oryn almaǵannyń ózinde halyqtyń basym bóliginiń tabysy az, jalaqynyń mólsheri tómen. Zeınetaqy men járdemaqylardyń kólemi kóp emes. Sondyqtan kópshilik osy tólemdi alsam degen oıda. Osyǵan deıin de aıtqanymdaı, biz jappaı eshkimdi teksermeımiz. Jeke tulǵalar, jeke kásipkerler bolsyn, eshkimniń úıin aralap teksermeımiz. Eshteńege ýaıymdamańyzdar. Sizderge tólendi me, alyńyzdar, jaratyńyzdar. Tekserý bolsa da, bizdi tekseredi»,- dedi mınıstr.
