Batyrda rý bolmaıdy. Rý aýyl arasyndaǵy barymtada júrgen batyrsymaq barymtashylarda bolady. Sondyqtan da ár batyrǵa ár qazaq balasynyń talasy bar. Týǵan tarıhyn aıtqanda qazaq balasy anaǵan bir júginip, mynaǵan bir júginip, shyndyqtyń shylbyrynan ustaı almaı del-sal bolmaǵan. Júginse qazaq balasy Máshekeńe júgingen. Árgi-bergi tarıhty Máshhúr-Júsipteı qotarǵan jylnamashy qazaq balasynda joq. Sol Máshekeń aıtady: «Abylaı hannyń zamanyndaǵy qazaq jurtynan shyqqan batyrlar Qarakereı Qabanbaı, Qanjyǵaly Bógenbaı, Qazdaýysty Qazybek, Shaqshaquly Jánibek, Kókjarly Kókjal Baraq... Shanyshqyly Berdiqoja, Syrym Malaısary... Baltakereı Tursynbaı, Taraqty Baıǵozy, on san Orta júzge uran bolǵan Oljabaı, Malaı, Jádigerden Jaýǵash, Bıǵash, bóritondy, bórteatty, bóribas Ormanshy, Aqsary Shotana, Qozǵan Bıikshe mergen, qaraýylshysy Álteke Jıdebaı, Ýaq Sary Baıan. Bul aıtylǵan batyrlardyń bári de Erbekeıshe buzaý jaryp batyr atanǵan emes, jalǵyz júrip qalmaqtyń qamalyn buzǵan batyrlar...
Altyn qaqpaly qorǵandy buzatuǵyn jolda Syrym Malaısary da bar edi, Shanyshqyly Berdiqoja da bar edi…» dep.
Batyrda rý bolmaıdy. Rý aýyl arasyndaǵy barymtada júrgen batyrsymaq barymtashylarda bolady. Sondyqtan da ár batyrǵa ár qazaq balasynyń talasy bar. Týǵan tarıhyn aıtqanda qazaq balasy anaǵan bir júginip, mynaǵan bir júginip, shyndyqtyń shylbyrynan ustaı almaı del-sal bolmaǵan. Júginse qazaq balasy Máshekeńe júgingen. Árgi-bergi tarıhty Máshhúr-Júsipteı qotarǵan jylnamashy qazaq balasynda joq. Sol Máshekeń aıtady: «Abylaı hannyń zamanyndaǵy qazaq jurtynan shyqqan batyrlar Qarakereı Qabanbaı, Qanjyǵaly Bógenbaı, Qazdaýysty Qazybek, Shaqshaquly Jánibek, Kókjarly Kókjal Baraq... Shanyshqyly Berdiqoja, Syrym Malaısary... Baltakereı Tursynbaı, Taraqty Baıǵozy, on san Orta júzge uran bolǵan Oljabaı, Malaı, Jádigerden Jaýǵash, Bıǵash, bóritondy, bórteatty, bóribas Ormanshy, Aqsary Shotana, Qozǵan Bıikshe mergen, qaraýylshysy Álteke Jıdebaı, Ýaq Sary Baıan. Bul aıtylǵan batyrlardyń bári de Erbekeıshe buzaý jaryp batyr atanǵan emes, jalǵyz júrip qalmaqtyń qamalyn buzǵan batyrlar...
Altyn qaqpaly qorǵandy buzatuǵyn jolda Syrym Malaısary da bar edi, Shanyshqyly Berdiqoja da bar edi…» dep.
Jaqynda maýjyraǵan tamyzdyń 17-18 kúnderi Shet jáne Aqtoǵaı aýdandarynyń jerinde ataqty Jıdebaı batyrǵa arnap as berildi. Máshekeń Abylaıdyń qaraýylshysy dep aıtqan Jıdebaı batyr.
Shet aýdanynyń tumsyǵynan bes shaqyrym jerde batyrdyń kesenesi oryn tepken. Ony búginde Batyrbasy deıdi. Urpaqtary atalmysh mazardy qorshap, jan-jaǵyn retke keltirip, táý eter orynǵa aınaldyrǵan. Onyń basynda shyraqshy úıinen bastap kelýshilerge arnalǵan barlyq jaǵdaı jasalǵan. О́ıtkeni, qalyń el batyrdy áýlıe dep te biledi. Bul jerde bir shıkiókpege zar bolyp, bala surap kelýshiler nópiri bir tolastaǵan emes.
«Jeti-segizden jańa asqan kezinde Dos batyrdyń qara shańyraǵynda otyrǵan inisi Álmurat baıdyń úıine Qarakereı Qabanbaı batyr kelipti dep Jıdebaıdyń qulaǵyna tıdi. Barsam-aý, kórsem-aý dep, Jıdebaıdyń túni boıy kózi ilinbeı alas urdy. Tań jańa atýǵa sáýle berip kele jatqan qarsańda kózi ilinip ketip edi. Babasy Dos batyr túsinde aıan berdi.
– Balam, alashqa aty shyqqan Qabanbaı batyrdan baryp bata alyp qal, – dep.
Shoshyp oıanyp, ushyp túregelip, ústinde boz jeıdesi bar, qustaı ushyp bara jatsa, Qabanbaı batyr da joryqqa attanyp, alańqaraqta júrip barady eken. Alystan nemene ekenin aıyryp, tanı almady. Elikteı ushyp kele jatqan bala ekenin tanyǵan soń, tosyp tura qaldy. Bala jetip kelip:
– Ata, maǵan kerek bata, – dedi.
– Túnde túsimde Dos batyr aıtyp edi. Jaraısyń, jaraısyń, – dep bata-satany beredi.
– Tórt almajaıym bar edi. Bireýin saǵan baıladym, al balam, – dep Qabanbaı batyr júre beredi.
Sóıtse, tórt almajaıynyń biri qyzyl túlki degeni bolady eken. Sonysyn berip ketken eken.
Abylaıhan úsh júzdiń balasy qazaqqa han bolǵanda Álteke – Sarym Jıdebaı ataqty batyrynyń biri bolyp, Abylaıhanǵa qolbasy bolǵan eken. Bir jaqqa attanarda, qosyn júrgizerde Úısinnen aq shabdar atty alǵyzyp, Álteke – Sarym Jıdebaıǵa mingizedi eken. Jıdebaıǵa aısyz qarańǵy tún tal tústeı jaryq, boran-soran ashyq kúndeı, jan taba almaǵan jerdi kórip qoıǵandaı tabady eken. Bireýdiń pyshaq, shaqpaǵy bara jatqanda q
