Maqtaaral aýdanynda túrik ınvestorlarymen birlese otyryp, toqyma ónerkásibin ashý josparlanyp otyr. Jobanyń qýaty jylyna 6,6 myń tonna toqyma buıymdaryn quraıdy.
Saıram aýdanynda júndi qaıta óńdeý sehy iske qosylady. Qýattylyǵy kúnine 3 tonna.
Jetisaı aýdanynda 200 mln teńgege aıaq kıim fabrıkasy iske qosylady dep kútilýde. Jobanyń qýattylyǵy kúnine 200 jup aıaq kıim quraıdy.
Shymkent qalasynda 2,9 mlrd teńgeni quraıtyn 5 jańa óndiris oshaǵy iske qosylyp, onyń ishinde 1,8 mlrd teńgege qaǵaz ónimderin shyǵarýǵa arnalǵan eki birdeı joba iske qosylmaq.
Toqyma ónimderine arnalǵan jobalarmen qatar, bıyl aıaq kıim óndirisin keńeıtý kózdelgen. Joba quny 290 mln teńge. Qýaty – jylyna 150 myń jup. Daıyndalatyn ónim tolyǵymen ishki naryqqa shyǵady. Shymkenttegi josparlanǵan 5 joba iske asatyn bolsa, 240 adam jumyspen qamtylady dep josparlanýda.
Al Almaty oblysynda bıyl balalardyń jórgekin shyǵarýǵa arnalǵan óndiris orny óz jumysyn bastamaq. Joba quny 256 mln teńge. Oblystaǵy 80 myń adam jumyspen qamtylady dep kútilýde.
