«Energetıka mınıstriniń buıryǵymen Abaı Muhtaruly Shańǵytbaev Atomdyq jáne energetıkalyq qadaǵalaý men baqylaý komıtetiniń tóraǵasy qyzmetine taǵaıyndaldy» delingen mınıstrliktiń baspasóz qyzmeti taratqan aqparatta.
Abaı Shańǵytbaev Qazaq polıtehnıkalyq ınstıtýtyn bitrgen. Eńbek jolyn 1988 jyly «ZapKazEnergo» RÝ elektr jelileriniń Ońtústik kásipornynda baılanys elektromonteri, relelik qorǵaý jáne avtomatıka qyzmetiniń ınjeneri bolyp bastaǵan. Ár jyldary QR Indýstrııa jáne jańa tehnologııalar mınıstrliginiń Memlekettik energetıkalyq qadaǵalaý jáne baqylaý komıteti Aýmaqtyq bólimshelerdi úılestirý, monıtorıng jáne jeke jáne zańdy tulǵalardyń ótinishterimen jumys basqarmasynyń bas sarapshysy, Tutynýshylardyń elektr jelileri men elektr qondyrǵylaryn qadaǵalaý jáne baqylaý basqarmasynyń bastyǵy, QR Energetıka mınıstrligi Elektr energetıkasy departamenti dırektorynyń orynbasary, QR Energetıka mınıstrligi Atomdyq jáne energetıkalyq qadaǵalaý men baqylaý komıtetiniń Astana qalasy boıynsha aýmaqtyq departamentiniń basshysy qyzmetterin atqarǵan. 2016 jyldan jańa qyzmetke taǵaıyndalǵanǵa deıin QR Energetıka mınıstrligi Atomdyq jáne energetıkalyq qadaǵalaý men baqylaý komıteti tóraǵasynyń orynbasary bolǵan.
