- Búgingi tańda óńirdiń bas sanıtarlyq dárigeriniń sheshimimen jabylǵan kóp qabatty turǵyn úılerdiń podezderin jáne basqa da nysandardy quqyq qorǵaý organynyń 112 qyzmetkeri kúzetedi, - deıdi Jasqaırat Qaıyrov. Sondaı-aq jergilikti atqarýshy organdar men medısına qyzmetkerleri jumyldyrylǵan. 16 naýryzdan bastap TJ rejımin buzǵany úshin 575 adam, karantın jarııalanǵan kezeńnen 388 adam anyqtaldy. Spıkerdiń aıtýynsha, TJ jarııalanǵan kezde bastapqyda otbasylyq jáne eske alý sharalaryn ótkizý faktileri, dámhanalar men meıramhanalardyń jumysynda buzýshylyqtar, sondaı-aq dúkenderdiń ıeleri men satýshylary qolǵapsyz jáne maskasyz qyzmet kórsetken bolsa, karantın kezinde júrgizý quqyǵynsyz jáne eshbir sebepsiz júretin kólik júrgizýshileri ustaldy.
Spıkerdiń aıtýynsha, TJ jarııalanǵan kezde bastapqyda otbasylyq jáne eske alý sharalaryn ótkizý faktileri, dámhanalar men meıramhanalardyń jumysynda buzýshylyqtar, sondaı-aq dúkenderdiń ıeleri men satýshylary qolǵapsyz jáne maskasyz qyzmet kórsetken bolsa, karantın kezinde júrgizý quqyǵynsyz jáne eshbir sebepsiz júretin kólik júrgizýshileri ustaldy.
- Karantın kezinde blok-beketterden qalaǵa 27 myńnan astam kólik ótken jáne 24 myńnan astam shyqqan, - dedi Jasqaırat Qaıyrov. Ekibastuz qalasynda da osyndaı sharalar uıymdastyrylady. Blok-beketterde Pavlodar qalasy boıynsha 110 qyzmetker turady. Olar otbasynan jeke qonaqúılerde ornalastyrylǵan. Sonymen qatar, Ekibastuz jáne Aqsý qalalarynda, Aqqýly jáne Maı aýdandarynda ornalasqan blok-beketterdegi qyzmetkerlerge de osyndaı jaǵdaı jasalǵan.
Aıta keteıik, kún saıyn joldaǵy qaýipsizdik pen qoǵamdyq kúzetti qamtamasyz etýge polısııa departamentinen 1200-den astam jáne Ulttyq ulannan 200 qyzmetker jumyldyrylǵan.
