Alaıda oblystyq jáne qalalyq krımınaldyq polısııa basqarmasynda kásibı izshilder bar ekendigin kórsetti. Olar kásipkerdiń barlyq tanystaryn, aralasatyn adamdaryn qaǵyp kelip, eki adamǵa kúdiktenedi. Olardyń biri 1969 jyly Petropavl qalasynyń jáne ekinshisi 1978 jyly týǵan Qyzyljar aýdanynyń týmalary edi. Ekeýi de buryn buzaqylyq, urlyq qylǵandary úshin sottalǵan. Aqyry kúmán shyndyqqa aınalyp, ekeýiniń úılerin tintkende aıǵaq zattar tabylǵan. Urlanǵan aqshanyń da biraz bóligi shyqqan.
«Qazir qylmystyń barlyq mán-jaıyn anyqtaýǵa baǵyttalǵan sotqa deıingi tergeý júrgizilýde jáne qylmystyq is boıynsha qosymsha aıǵaqtar jınalyp jatyr», - deıdi SQO PD bastyǵynyń orynbasary, polısııa polkovnıgi Rýslan Nazarov. «Aıta ketý kerek, páter urlyǵynyń aldyn alý úshin turǵyndarǵa kúzet agenttikterimen kelisim jasap, dabyldar ornatyp, kireberisterdi beıne baqylaý kameralarymen jabdyqtaý usynylady. Sonymen qatar, eń senimdi degen qurylǵylarǵa basymdylyq jasaı otyryp, páterlerdiń qulyptaryn muqııat tańdaý kerek».
Jyl basynan beri SQO-da barlyǵy 240 páter urlyǵy tirkeldi. Onyń ishinde búginge deıin 204-i ashylǵan. Shaǵyn qalada urlyq ta kóp, ashylýy da az emes.
PETROPAVL
